Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Үзэл бодлоо чөлөөтэй илэрхийлэх эрхийн төлөө ажилладаг ”IFEX” Олон улсын байгууллага Н.Өнөрцэцэгийн асуудлаар шаардлага, мэдэгдэл гаргав. /2023-12-07/
”IFEX” Олон улсын байгууллага Н.Өнөрцэцэгийн асуудлаар шаардлага, мэдэгдэл гаргаснаар Н.Өнөрцэцэгийн асуудалэрх нь зөрчигдсөн ОУ-ын сэтгүүлчдийн мэдээллийн санд бүртгэв.
IFEX хэлэхдээ: "Сэтгүүлч Н.Өнөрцэцэгийн талаарх урьдчилан сэргийлэх арга хэмжээ нь үзэл бодлоо чөлөөтэй илэрхийлэх эрхийг баталгаажуулсан олон улсын гэрээ хэлэлцээрийг зөрчсөн үйлдэл боллоо. Сэтгүүл зүйн үйл ажиллагааг цензургүй явуулахыг бид шаардаж байна" гэсэн юм.
Үзэл бодлоо чөлөөтэй илэрхийлэх эрхийн төлөөажилладаг ”IFEX” Олон улсын байгууллагад "Глоб интернэшнл" төвөөс сэтгүүлч Н.Өнөрцэцэгтэй холбоотой асуудлаар хандсан. ”IFEX” байгууллага нь дэлхийн 70 оронд 100 гаруй гишүүнчлэлтэй.
Олон улсын сэтгүүлчдийн холбоо(IFJ) – Монголын эрх баригчдыг Н.Өнөрцэцэгийг нэн даруй суллахыг уриалав /2023.12.11/
Олон улсын сэтгүүлчдийн холбоо(IFJ) – Монголын эрх баригчдыг Н.Өнөрцэцэгийг нэн даруй суллахыг уриалж, Монголын сэтгүүлчдэд саадгүй ажлаа гүйцэтгэх боломж олгож, хэвлэлийн эрх чөлөө, үг хэлэх эрх чөлөөг хангахыг уриалав. Тус байгууллага нь өөрийн Монгол дахь хамтрагч Монголын сэтгүүлчдийн нэгдсэн эвлэл /МСНЭ/ -ээр дамжуулан сэтгүүлч Н.Өнөрцэцэгийн асуудалд анхаарал хандуулж хамтран ажиллахаа илэрхийлсэн юм.
Хил хязгааргүй сурвалжлагчид (RSF) байгууллагаас Монголын эрх баригчдад хандан сэтгүүлч Нарангийн Өнөрцэцэгийг суллахыг шаардлаа. /2023-12-22/
RSF хэлэхдээ: “Өнгөрсөн 30 жилийн хугацаанд Монгол Улс эрх, эрх чөлөөний зарчим, хэвлэл мэдээллийн олон ургалч байдлыг сахихад илт хүчин чармайлт гаргасан учир санаанд оромгүй явдал боллоо. Худал мэдээлэлтэй тэмцэх нэрийдлээр олон нийтийн сүлжээнд шүүхийн тогтолцоог шүүмжилсэн сэтгүүлчийн эрх чөлөөг хасах нь илт зүй бус үйлдэл юм. Нарангийн Өнөрцэцэгийн эсрэг ажиллагааг зогсоож, түүнийг нэн даруй суллахыг эрх баригчдаас шаардаж байна.”
Хил хязгааргүй сурвалжлагчид (RSF) байгууллага нь жил бүр дэлхийн 180 орны хэвлэлийн эрх чөлөөний нөхцөл байдалд үнэлгээ хийдэг байгууллага юм.
Нөлөө бүхий сэтгүүлч Н.Өнөрцэцэгийг баривчилсан нь Монголын хэвлэлийнхнийг цочирдуулж байна" гэж VOA news мэдээллээ. /2024-01-05/
Тус нийтлэлд Н.Өнөрцэцэг нь томоохон албан тушаалтнуудын араас хөөцөлдөхөөс эмээдэггүй сурвалжлагч гэдгээрээ Монголд нэр хүндтэй сэтгүүлч юм. “Зариг” мэдээллийн сайтын ерөнхий редакторын хувьд тэрээр сүүлийн таван жилийн хугацаанд гүтгэлгийн хэргээр арав гаруй удаа байцаагдаж байжээ. Одоо Н.Өнөрцэцэг өөрийг нь буруутгаж буй хэргүүдийг үгүйсгэж байгаа аж. Иймд Олон улсын болон Монголын хэвлэлийн эрх чөлөөний байгууллагууд тус баривчилгааг улс төрийн зорилготой гэж буруушааж байна гэсэн байна.
0
0
0
0
0
0
0
0
