Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Тэрбээр “МХЕГ-ыг татан буулгаж, салбарын хяналтын үйл ажиллагааг шалгалтыг салбарын яамдад хариуцуулна. Салбарын яамдаар дамжуулаад хүний эрүүл мэнд, амь настай холбоотой онцгой болон тусгай чиг үүргээс бусад боломжит чиг үүргийг хувийн хэвшил, ТББ-аар гүйцэтгүүлэх чиглэлийг барьж ажиллах талаар ЗГХЭГ-ын дарга Д.Амарбаясгаланх хэллээ .
Уг байгууллага байгуулагдсанаас хойш 20 жилийн хугацаанд тодорхой үүрэг гүйцэтгэн ажиллаж ирсэн. Мэргэжлийн хяналтын байгууллага 1600 алба хаагчтай үйл ажиллагаа явуулахаас гадна мэргэжлийн яамдад давхардсан тоогоор 1400 байцаагч хяналтын үйл ажиллагаа явуулж буй нь ил болсон.
Төр давхардсан хяналтаар хүндрэл учруулж байна хэмээн иргэдээс гомдол ирдэг. Үүний шалтгааныг бид олж харсан. Санхүүгийн зэрэг хяналтыг мэргэжлийн хяналтын байгууллага давхар хийж байна. Энэ нь олон нийтэд хүнд суртлыг үзүүлэх шалтгаан болсон гэж үзэж байна. Мэргэжлийн хяналтын байгууллага нийт 26 чиглэлийн үйл ажиллагаа явуулдаг.
Төрийн хяналт шалгалтын нэгдсэн тогтолцоог бий болгох зорилго 2012 оныг хүртэл тогтвортой байсан. Харамсалтай нь 2013, 2014 онд орсон хуулийн өөрчлөлтийн дагуу мэргэжлийн хяналтын байгууллагын үйл ажиллагаа салбарын яамдтай давхардаж эхэлсэн. Татварын ерөнхий газар татварын хяналт шалгалт явуулж байхад үүнийг мэргэжлийн хяналтын байгууллага давхар хийдэг. Түүнчлэн Нийгмийн даатгалын агентлагийн үйл ажиллагаатай мөн давхарддаг. Энэ давхардал нь олон нийтэд хүндрэл учруулж байна.
ЗГХЭГ-т Монгол Улсын Ерөнхий сайдын Үндсэн хуулиар хангагдсан бүрэн эрхийн хүрээнд УИХ-ын өмнө хуулийн хэрэгжилтийг хангуулахаар Засгийн газрын дотоод хяналт шалгалтын агентлаг байгуулна. Хариуцлага эзэнтэй болох ёстой. Хариуцлага эзэнгүйдсэн дүр төрх бий. Энэ агентлаг нь яам, тамгын газрын үйл ажиллагаанд хяналт тавих юм” гэлээ.
0
0
0
0
0
0
0
0
