Манай улс НҮБ-ын Хүний эрхийн зөвлөлд дөрөв дэх тайлангаа хүргүүлнэ
Монгол Улсын 2.3 сая иргэний утасны дугаар, регистр, эрхэлдэг ажил зэрэг хувийн мэдээлэл алдагдаад буй. Үүнтэй холбоглдуулан бид Мэдээлэл харилцаа холбоо технологийн газрын мэргэжилтэн Э.Уранцэцэгээс тодрууллаа.
-2.3 сая иргэний мэдээлэл яагаад алдагдсан бэ?
-Мэдээллийг хууль хяналтын байгууллага шалгаж байгаа. ХХМТГ нь Засгийн газрын тохируулагч агентлаг, салбарын бодлого тодорхойлдог байгууллага. Төрийн мэдээллийн аюулгүй байдлыг ТЕГ хариуцдаг. Хэрвээ гэмт хэргийн шинж чанартай байх юм бол цагдаагийн байгууллага хариуцдаг. Өөрөөр хэлбэл мэдээллийн аюулгүй байдлыг цагдаа, ТЕГ, Үндэсний дата төв, бодлогын хувьд ХХМТГ гэдэг байгууллагууд хариуцдаг.
Манай харьяанд байдаг Үндэсний дата төв одоогоор энэ төрлийн мэдээлэл алдаагүй гэсэн. Тагнуулын ерөнхий газраас ямар мэдээлэл ирэхийг хүлээж байна. Ер нь хууль хяналтын байгууллагууд энэ мэдээллийг өмнө нь мэдээд энэ чиглэлд шалгалтын ажил явуулж байгаа гэсэн мэдээллийг бидэнд өгсөн.
Мэдээллийн аюулгүй байдлын хууль эрх зүйн орчин Монгол Улсад бүрдээгүй салбар байсан. Энэ салбарын хууль, эрх зүйн орчныг бүрдүүлэхээр яг одоо УИХ-ын чуулган дээр Кибер аюулгүй байдлын тухай хуулийг хэлэлцүүлээд явж байгаа.
-Яагаад мэдээлэл алдагддаг, шалтгаан нь юунаас байж болох уу?
-Яагаад мэдээллийн аюулгүй байдал алдагдаад байдаг вэ гэдэг асуудал дээр манай иргэд өөрсдөө мэдээллээ хэрхэн хамгаалах вэ гэдэгт суралцах шаардлагатай. Учир нь зээлийн аппликейшнүүд иргэдийн хувийн мэдээллийг маш ихээр авдаг. Иргэд ч үүнд анхаарал болгоомжтой байж регистрийн дугаар, утасны дугаар, нэр, гэрийн хаягаа хэнд өгч байна вэ гэдэг дээрээ маш сайн анхаарал тавих хэрэгтэй. Хувийн хэвшлүүд мэдээллийн аюулгүй байдлаа өөрсдөө хангаж ажиллаж байгаа.
–Иргэдийн мэдээлэл алдагдсанаар манай улсад болон иргэдэд ямар хохирол учрах уу?
-Тэр тал дээр би мэдээлэл өгөх боломжгүй.
-Монголбанкны хувьд мэдээлэл алдсан гэх асуудал гарсан. Үүнд тайлбар өгөхгүй юу?
-Монголбанк серверээ өөр дээрээ хадгалдаг. Үндэсний дата төв дээр сервер нь байдаггүй. Монголбанкны мэдээлэл алдагдсан тухайд өөрсдөөс нь тодруулах нь зүйтэй байх. Манай байгууллага хариуцдаггүй.
-2.3 сая иргэдийн мэдээлэл алдагдсан асуудал дээр шалгалт явж байгаа гэж ойлгож болох уу?
-Хуулийн байгууллага шалгаж байгаа. Бид Тагнуулаас ямар мэдээлэл ирэхийг хүлээж байна.
-Цахим орчинд тавигдсан мэдээллийг харсан уу. Гаднын хар зах дээр мэдээлэл зарагдаж байгаа талаар мэдээлсэн. Энэ баримт биш үү?
-Шалгагдаж байна гэдэг нь тухайн мэдээллийг хакерууд хакердаж авсан уу эсвэл хэн нэгэн хүн иргэдийн мэдээллийг зарсан уу гэдэг мэдээллийг шалгаж байгаа.
-Шалгалтын үйл явцын талаар мэдээлэлтэй байгаа юу?
-Одоогоор мэдээлэлгүй байна. Ямар ч байсан энэ мэдээллийг олон нийтэд зарлагдахаас нь өмнө хууль хяналтын байгууллага олж илрүүлэн шалгаж байгаа гэсэн мэдээллийг өгсөн.
0
0
0
0
0
0
0
0
