Улаанбаатарт ялимгүй хур тунадас орно
Ая тухтай байх зорилгоор Монгол залуу өвөл, зуны 30 м.кв хоёр давхар “Car house” явдаг байшин хийсэн байна. 2020 оны нэгдүгээр сард хөл хорионд орсон эхний өдөр явдаг байшин хийх санаагаа бодож зургийг нь гаргаснаар энэхүү ажил эхэлжээ.
Хоёр сарын хугацаанд дотоод чимэглэл, техник, механизм гээд бүх гүйцэтгэлээ хийж дуусгасан байна. Ая тухтай аялж амрах бололцоог бүрдүүлсэн өөрөө явдаг байшингийн зохион бүтээгч Г.Лувсанравданаас ярилцлаа.
-Явдаг байшин гэж хүмүүсийн яриад байна. Ямар зорилгоор, яагаад ийм загвараар хийх болсон бэ?
-Би загасанд явах хоббитой. Ая тухтай байх үүднээс урдаа балкон гаргаж өвөл загас бариад голын эрэг дээр суух зориулалттай хийсэн. Доод давхарт гал тогоо, зочны өрөө жолоодлогын хэсгийг багтаасан. Дээд давхарт унтлагын өрөө бий. Өвөл зуны алинд нь ч ашиглах боломжтой. Дан ганц аялал зугаалганд биш инженерийн асуудлыг нь шийдсэн болохоор дотор нь амьдарч болно.
-Ямар материалаар хийсэн бэ. Хийж байх явцад хүндрэлтэй зүйл байсан уу?
-Мод оруулалгүй, квадрат төмрөөр хийсэн. Квадрат төмөр, хөнгөн цагаан пасад, монгол базальт орсон. Хоёр салбарын юм байгаа. Нэг нь механик эд анги, нөгөө нь инженерийн чиглэлийн зүйлс. Техник болоод нарийн инженерийн чиглэлийн зүйлсийг Монголдоо алдартай уралдаг Субаругийн Төмрөө гээд залуу байгаа. Төмрөө найзаасаа мэдэхгүй зүйлээ асуугаад найз маань ирж тусалж зөвлөсөн. Монголд хийж чадахгүй ганц нэг юм гарсан. Гэхдээ түүнийгээ Субару машины эд ангийг оролцуулаад их юм хийсэн. Дизель машины мотортой учраас түлшээр явдаг.
-Тэгэхээр хэдэн хүн хийсэн бэ. Машинаа бариад хаашаа ч явах боломжтой гэсэн үг үү?
-2-3 хүний туслалцаатай хийсэн гэхдээ ойр дотнынхон маань маш их тусалж дэмжсэн. Одоогоор “Сar house” гэдэг нэр өгчихсөн байгаа. Техник учраас Монголд зам дээр шууд явах хууль орчин байдаггүй юм байна. Хот дотор хатуу холбоогоор өөрийнхөө машинаараа чирээд явж байгаа.
-“Car house” хийхэд хэдий хэр хэмжээний төсөв орсон бэ? Хэчнээн хүний багтаамжтай вэ?
-Явах эд анги механизмыг нь хийхэд анх хийж байгаа учраас эвдрээд янзалж давтан хийгээд туршилтын маягаар зардал нэлээд өндөр 15 сая орчим төгрөг орсон. Мөн цэвэр, бохир усны шийдэл, тог цахилгаан сангийн материалд 8 орчим сая төгрөг, үндсэн байшингаа хийхэд 12-13 орчим сая төгрөг зарцуулсан гэхээр 40 орчим сая төгрөгөөр бүтсэн. 30 м.кв хоёр өрөө байр л гэсэн үг. Өчигдрийн байдлаар гэхэд 5 том хүн 6 хүүхэд хоносон.
-Цэвэр, бохирын шугамын асуудлаа яаж шийдсэн бэ?
-Цэвэр усны нөөц 400 литр бохирын сиптик нь 800 литр. Усны саваа 00, гал тогоотойгоо холбосон. Машины хажуу талд гялгар сав байгаа тэр бол бохирын асуудлыг шийдсэн сиптик сав. Бохирыг нь өөрөө аваачаад асгаж болно эсвэл соруулж болно. Энд тэнд хаяхгүй бактер хийгээд бордоогоор ч ашиглаж болно. Машин давхиж байхад дотроо усанд ороод явах боломжтой. Унтлагын өрөөний дээр байрлуулсан цонхийг нарны зай хураагуураар хийсэн болохоор шөнө од харахаас гадна өвөл ямар ч халаалт хэрэггүй нарны гэрлээр хална.
-Цаашдын зорилго тань?
-Өөрийнхөө зохиогоод хийсэн машиныг унаад явахаар ямар гоё мэдрэмж авдаг гэж санана. Кемп маягаар олноор хийвэл гоё юм байна гэж бодоод байна. Угсрагдаад кемп болчихдог лагерь дээрээ ч аваачаад тавьчих боломжтой. Өөртөө зориулаад бүр гоёор хэдийг хийгээд Тэрэлжид мэлхийн хадны хажууд байдаг кэмпдээ тавих бодолтой байна. Анхнаасаа ашгийн бус сонирхлоороо хийсэн. Кино зураг авалт эсвэл уул уурхайн кемп гээд өөр зориулалтаар ашиглахаар хүмүүс ярьж байна. Оюуны өмчөөс патентаа авчихвал их захиалга орж ирэхээр байна. Тэгвэл хоорондоо угсрагддаг загвараар хийнэ гэж бодож байгаа. Жишээлбэл дөрвөн айл байлаа гэж бодоход дөрвөн талаасаа угсрагдаад хоорондоо хаалгаараа нийлээд том заал болох боломжтой задраад салангид ч явах боломжтой загвараар хийх санаатай байгаа.
0
0
0
0
0
0
0
0
