Ч.Хантүмэн: Данс хаачихлаа, дарга нарыг мууллаа гээд ингэв үү
“Урт цагаан” худалдааны төвийн барилга Мэргэжлийн хяналтын гурван удаагийн шалгалтаар ашиглах боломжгүй гэсэн дүгнэлтэд хүрсэн. Улмаар өнгөрөгч хоёрдугаар сарын 19-ний өдөр Нийслэлийн Засаг даргын захирамжаар уг худалдааны төвийн үйл ажиллагааг хаах чиглэл өгсөн билээ. Энэ талаар түрээслэгчид ямар байр суурьтай байгаа талаар сурвалжиллаа.
Түрээслэгч Т.Дашзэвэг: Гол нь бидэнд ажлын байр л хэрэгтэй.
Түрээслэгч Ө.Эрдэнэсүрэн: Ноднин хавар л үйл ажиллагаагаа зогсоо гэх захирамж гарлаа гэсэн. Энэ бол хоршоологчдын өмч шүү дээ. 1992 оны ардчилал гарч ирээд л төрийн өмч болчихсон юм. Жил болгон л маргаан үүсдэг. Ганцхан энэ жил ч биш. Маргаан болгон дээр Нийслэлийн өмчид авна гэдэг. Газрыг нь л ашиглах гээд байна гэж би боддог. Хоёрдугаарт энд өчнөөн олон ажилчид байна. Энэ өвөл, ноднин хавраас хойш хохирсон шүү дээ. Юу ч хийгээгүй. Ус, тог байхгүй. Дулааныг нь хаачихсан. Бидэнд өчнөөн бага үнээр түрээслүүлнэ, энэ та нар шулуулж байна гэсэн. Гэтэл биднийг нүүлгэн шилжүүлэх гээд байгаа Улаанбаатар банкны байрных нь түрээс өндөр болчихсон. Ашиглалтын зардал гэх мэт нэмчихсэн байна.
Түрээслэгч М.Чулуундолгор: Урт цагаан бол дөрөв, таван зуун хүний ажил амьдрал холбоотой ажлын байр шүү дээ. Зөвхөн Улаанбаатар банкны хоёр давхарт аравхан хүн суулгаж байгаад “Урт цагааны ажилчдыг нүүлгэн шилжүүллээ” гэж худлаа жүжиг тавьж телевизүүдээр цацсан. Ажлын байраар хангалаа гэж цацсан мөртлөө нэгийг нь ч ажлын байраар хангаагүй. Ямар ч ажлын байргүй учраас аргаа бараад л усгүй, хүнд нөхцөлд бүгдээрээ ажиллаж байна. Дураараа үйл ажиллагааг нь зогсоолоо л гэх юм. Энэ олон хүний ажил амьдралыг хаана нүүлгэн шилжүүлж, шийдчихсэн юм. Та нартай гэрээ хийж түрээслүүлнэ, буцааж оруулна гэж тохиролцож баталгаатай шийдэгдвэл аргаа ядаад суллаж өгөх л байх. Энэ бол ажиллаж амьдарч байсан хүмүүс өөрсдийн хөрөнгөөр барьсан, улс мөнгө гаргаагүй барилга.
Урт цагааны барилгын талаарх асуудал эцэслэн шийдвэрлэгдэхгүй явсаар өнөөдрийг хүрлээ. Түрээслэгчдийн хэлсэнчлэн жил бүр уг асуудал сөхөгддөг байна.
0
0
0
0
0
0
0
0
