ТЦА: Их тэнгэрт болсон ослын улмаас нэг хүн амиа алдсан
Далайд гарцгүй хөгжиж буй орнуудын Олон улсын судалгааны төв, МУИС-ийн ОУХНУС-ны сургуультай хамтран ажиллахаар боллоо. Ингэснээр тус сургуулийн оюутан залуусын мэргэжлийн чадварыг дээшлүүлж дэлхийн хэмжээний боловсон хүчин бэлдэхэд зорьж байна.
Далайд гарцгүй хөгжиж буй орнуудын Олон улсын судалгааны төв Монголд төвтэй. Тус төв нь далайд гарцгүй хөгжиж буй 32 орны хөгжлийн төлөө бодлогын судалгаа хийдэг. Энэхүү байгууллага нь МУИС-тай хамтарч ажилласнаар үйл ажиллагаагаа тэлэхийн зэрэгцээ оюутан залууст шинэ үүд хаалга болж байна.
/Далайд гарцгүй хөгжиж буй орнуудын Олон улсын судалгааны төвийн гүйцэтгэх захирал Э. Одбаяр/
Энэ талаар Далайд гарцгүй хөгжиж буй орнуудын Олон улсын судалгааны төвийн гүйцэтгэх захирал Э. Одбаяр, “МУИС-ийн ОУХНУС-тай хамтарч ажиллахаар нэг жилийн турш харилцан ярилцаж төлөвлөсөн. Өнөөдөр санамж бичигтээ гарын үсгээ зурлаа. Мөн бид ямар чиглэлээр яаж ажиллах тухайгаа тодорхойлсон байгаа. Үүнд оюутан залуусыг ОУ-ын байгууллагад дадлагажуулж ирээдүйн чанартай мэргэжилтэн бэлдэхээр дадлагын хөтөлбөрийг нь боловсруулна. Энэ хөтөлбөрт хамрагдсанаар оюутнууд соёлын болон дипломат үйл ажиллагаанд хэрхэн оролцох, гаднын орнууд судалгааны ажлаа ямар төвшинд гүйцэтгэдэг гээд олон талын мэдлэгийг олж авах юм. Оюутан залуусын хөгжих боломжийг нь нээж өгөх хэрэгтэй. Монгол залуусын тархийг ашиглах цаг болсон” гэв.
/МУИС-ийн ОУХНУС-ийн захирал С. Баттулга/
Харин МУИС-ийн ОУХНУС-ийн захирал С. Баттулга, “МУИС сүүлийн үед судалгаа голчилсон сургууль болох зорилт тавьж ажиллаж байгаа. Улс орны хөгжлийн талаарх судалгааг сургалтад хэрэгжүүлэх учиртай. Энэ тал дээр Далайд гарцгүй хөгжиж буй орнуудын Олон улсын судалгааны төвтэй санал нэгдэж хамтран ажиллахаар болсон. Энэхүү хамтын ажиллагааг хэрэгжүүлснээр, нэгдүгээрт хоёр талд хийсэн судалгааны үр дүнг хуваалцах юм. Нөгөөтээгүүр Монгол руу чиглэсэн, Монголын эрх ашигт нийцсэн судалгааг боловсруулж улсын хөгжилд хувь нэмрээ оруулах явдал юм. Мөн ОУ-ын судалгааны хөтөлбөрийг сургалтдаа нэвтрүүлэх боломжийг эрэлхийлж байна. Бидний хийх эхний ажил бол оюутны дадлагын хөтөлбөр болоод байна. Үр дүн чухал” гэв.
0
0
0
0
0
0
0
0
