КОП17 хурлын үеэр зах худалдааны төвийн зогсоолууд түр хаагдана
Олимпын аварга, Хөдөлмөрийн баатар Н.Түвшинбаяр Ерөнхийлөгч У.Хүрэлсүхээс уучлал хүсэж захидал илгээсэн гэх мэдээлэл олон нийтийн дунд тархаад буй. Харин энэ талаар Ерөнхийлөгчийн Тамгын газраас тодруулахад Н.Түвшинбаяраас албан ёсоор ямар нэгэн захидал ирээгүй бөгөөд Ерөнхийлөгч түүнийг уучлах гэж байгаа гэх мэдээлэл ташаа болохыг тайлбарлажээ.
Н.Түвшинбаяр нь 2021 оны дөрөвдүгээр сарын 2-ны өдөр Хан-Уул дүүргийн нутаг дэвсгэрт дотны найз, улсын начин Э.Энхбаттай маргалдаж, улмаар биед нь хүнд гэмтэл учруулсан хэрэгт холбогдсон. Э.Энхбат уг хэргийн улмаас тархиндаа хүнд гэмтэл авч, эмчилгээ хийлгэж байгаад нас барсан юм.
Уг хэргийг шүүхээр хэлэлцэн шийдвэрлэхдээ 2022 оны зургаадугаар сарын 9-нд Хан-Уул дүүргийн Эрүүгийн хэргийн анхан шатны шүүхээс Н.Түвшинбаярт 16 жилийн хорих ял оноож, ялыг нээлттэй хорих байгууллагад эдлүүлэхээр шийдвэрлэсэн байна.
Н.Түвшинбаяр Ерөнхийлөгчөөс уучлал хүссэн гэх мэдээлэл олон нийтэд тархсан боловч одоогоор энэ талаар Ерөнхийлөгчийн Тамгын газарт албан ёсны хүсэлт, захидал ирээгүй бөгөөд түүнийг уучлахтай холбоотой шийдвэр гараагүй байна.
1
0
0
0
0
0
0
0
