О.Цогтгэрэл: Ар өврөөр ярилцаж тохиролцох шаардлага байхгүй

Ардчилсан намын дарга О.Цогтгэрэл цаг үеийн нөхцөл байдлын талаар мэдээлэл өглөө.

“Ардчилсан намын бүлгийн гишүүд Аж үйлдвэр, эрдэс баялгийн сайд Г.Дамдиннямаас мэдээлэл сонслоо. Өнөөдрийн байдлаар бензиний үнэ ханшинд томоохон хэмжээний өөрчлөлт орох үүсэн байгаа гэдэг мэдээлэл өгч байна.

Эрх баригчид намын дарга, УИХ-ын дарга хавсран гүйцэтгэхэд хууль байхгүй гэж яриад байгаа юм. Хуулиар хориглосон бол болохгүй шүү дээ. Хуулиар хориглосон зүйлийг зөрчөөд явж байдаг хүн ч гэж байхгүй. Хууль байхгүй учраас УИХ-ын дарга, намын дарга хийж болно гэх тайлбар чинь зарчимгүй тайлбар. Хуулиар хориглоогүй ч парламент ёсны буруу жишгийг засъя гэсэн шаардлага тавьж байна” гэлээ.