Categories: МЭДЭЭ, СПОРТ2025-04-16

Дэлхийн оюутны зуны Универсиад наадам хөшгөө нээхэд гурван сар үлдлээ

Нийтэлсэн: А.Алтанчимэг
2025.04.16 09:00

Олон улсын оюутны спортын холбоо буюу FISU-с хоёр жил тутамд нэг удаа зуны оюутны “Универсиад” наадмыг зохион байгуулдаг. Энэ жил буюу 2025 онд Германы Рейн Рур бүс нутагт долоодугаар сарын 16-27-ны өдрүүдэд Дэлхийн оюутны зуны Универсиад XXXIII наадам болно.

Уг наадмаас олимп, дэлхийн аварга шалгаруулах тэмцээнд оролцох тамирчид тодордгоороо онцлогтой.

Спортын 18 төрлөөр зохиогдох “Универсиад XXXIII наадам”-д 150 гаруй орны 8500 тамирчин оролцохоор урьдчилсан мэдүүлгээ илгээжээ.

Монгол Улсын оюутан тамирчид тус наадам оролцох төрлүүд:

Байт харваа
Волейбол/эмэгтэй/
Жүдо бөх
3х3 сагсан бөмбөг
Таеквондо
Хөнгөн атлетик
Усанд сэлэлт
Теннис
Туялзуур сэлэм
Ширээний теннис
Сагсан бөмбөг/эрэгтэй/

Герман улс хоёр дахь удаагаа Дэлхийн оюутны универсиад наадмыг зохион байгуулна

Герман Улсад 1989 оноос (Дуйсбург хот) хойш 36 жилийн дараа зуны “Универсиад” наадмыг зохион байгуулна. Энэ удаагийн наадам Германы баруун хойд хэсгийн мужийн таван хотод нэгэн зэрэг болохоор товлогджээ. Монголын оюутны шигшээ баг тамирчид Рейн Рурын наадамд 11 спортын төрөлд 150 хүний бүрэлдэхүүнтэй оролцохоор бэлтгэл базааж байна.

Монголчууд Дэлхийн оюутны зуны универсиад наадамд үзүүлж байсан амжилтууд:

Монгол Улсын оюутан баг тамирчид 1973 оноос эхлэн дэлхийн зуны универсиад наадамд оролцож эхэлсэн.

1973	Москва, ЗХУ	1		1	Алт- Ц.Нацагдорж Хүрэл- Ж.Мөнх-очир	Чөлөөт бөх
1977	Софи, Болгар	2		2	Алт- З.Ойдов,З.Дүвчин, Хүрэл – О.Энхтайван, Ж.Даваажав	Чөлөөт бөх
1981	Бухарест, Румын			1	Хүрэл- Д.Оюунболд	Чөлөөт бөх
1999	Пальма де Мальорка, Испани	1		1	Алт – Х.Болдбаатар Хүрэл – Х.Эрдэнэт-од	Жүдо
2003	Дэгү, БНСУ			1	Хүрэл – Х.Цагаанбаатар	Жүдо
2005	Измир, Турк	1			Алт- Б.Наранбаатар	Чөлөөт бөх
2007	Бангкок, Тайланд	1	1		Алт: Жүдо- Х.Бундмаа Мөнгө: Буудлага- Ц.Мөнхзул	Жүдо, Буудлага
2009	Белград, Серби		1	1	Мөнгө-П.Лхамдэгд, М.Уранцэцэг, Хүрэл-С.Ням-очир	Жүдо
2011	Шинжинь, БНХАУ		4		Мөнгө: Жүдо- Ц.Чинбат; Шатар- Б.Мөнгөнтуул; Буудлага- Эм 50м урт буу Ч.Нарантуяа; Буудлагын эр баг 50м -Н.Баяраа, Б.Бишрэл, Д.Ганзориг;	Жүдо, Шатар Буудлага
2013	Казань, ОХУ	3	6	16	Алт: Чөлөөт бөх-С.Батцэцэг; Бүст барилдаан- Х Б.Сугаржаргал; Бокс- Энхдэлгэр; Мөнгө- Бүст барилдаан- Д.Анар; Жүдо- Б.Жанчивдорж; Буудлага: Баг Г.Нандинзаяа, О.Янжинлхам,Ч.Нарантуяа; Чөлөөт бөх- Э.Сумьяа, О.Насанбурмаа; Самбо- Ч.Марал-Эрдэнэ; Хүрэл- Бокс: Г.Ган-Эрдэнэ, Э.Идэрхүү, Д.Отгондалай, Б.Түвшинбат, Н.Шинэбаяр; Бүст барилдаан: М.Отгон-эрдэнэ, Б.Сугаржаргал, С.Энхчимэг, Д.Мөнхтуяа, Буудлага: Г.Нандинзаяа; Чөлөөт бөх: Г.Мандахнаран, Д.Хүдэрбулга; Самбо: Ж.Чанцалдулам, Т.Амаржаргал, Н.Нямтуяа,О.Мөнхцэцэг;	Самбо, Бүст барилдаан Бокс, Жүдо, Буудлага, Чөлөөт бөх
2015	Гванжу, БНСУ	2	1	2	Алт: Жүдо бөх- Д.Сумьяа; Буудлага-Э.Даваахүү; Мөнгө: Буудлагын хийн гар бууны эр баг 10м Э.Даваахүү, О.Төгөлдөр, Э.Бадамгарав нар; Хүрэл: Жүдо-М.Уранцэцэг, Буудлагын хийн гар бууны эр баг 50м Э.Даваахүү, О.Төгөлдөр, Э.Бадамгарав нар;	Жүдо бөх, Буудлага
2017	Тайпей, Тайвань		2	1	Мөнгө- Жүдо бөх- Б.Эрхэмбаяр, Мөнгө- Бильярд- Б.Нарантуяа, Хүрэл-Б.Уянга	Жүдо, Бильярд
2019	Наполи, Итали		1	1	Мөнгө – Таеквондо- М.Түмэнбаяр, Хүрэл – Жүдо бөх – Б.Баасанжаргал	Таеквондо Жүдо,
Бүгд-55 медаль		11	17	27	Нийт -55 тамирчин	9-н төрөл