“J-Hope” нэгэн шинэ түүxийг бүтээв
Өнгөрсөн долоо хоногт буюу гуравдугаар сарын 17-ны өдөр УИХ-ын хаврын чуулган нээлтээ хийсэн. УИХ-ын чуулганы хуралдаан долоо хоногийн пүрэв, баасан гараг бүр тогтмол хуралддаг. Гэтэл өнгөрсөн долоо хоногийн чуулганы хуваарьт өдрүүдэд хуралдаанаа хийгээгүй. УИХ-ын дарга Д.Амарбаясгалан гадаадад албан томилолтоор яваад эзгүй байлаа. Ийм тохиолдолд түүнийг орлон, чуулганаа хуралдуулах үүрэгтэй Дэд дарга нар болох Х.Булгантуяа, Б.Пүрэвдорж нар байсан ч хуралдаан товлогдсонгүй.
Энэ мэтчилэн дарга нар, албан тушаалтнууд ажлын томилолтоор хилийн чанадыг зорих бүрт төрийн ажил цалгардсаар байх уу…
Монгол Улсын Их Хурлын тухай хуульдаа …Улсын Их Хурлын үндсэн зорилт нь ард түмний төлөөллийн дээд байгууллагын хувьд ард түмний засаглах эрхийг хангахад оршино. …Улсын Их Хурлын үйл ажиллагаа нь Монгол Улсын Үндсэн хуулийн Нэгдүгээр зүйлийн 2 дахь хэсэгт зааснаар ардчилсан ёс, шударга ёс, эрх чөлөө, тэгш байдал, үндэсний эв нэгдлийг хангах, хууль дээдлэх, түүнчлэн бие даасан, нээлттэй, ил тод байх, цөөнхийн саналыг хүндэтгэн асуудлыг олон талт үзэл бодлын үүднээс чөлөөтэй хэлэлцэж, олонхын саналаар шийдвэрлэх зарчимд үндэслэнэ. хэмээн заасан хэрнээ ард түмний засаглах эрхийг хэрэгжүүлэхгүй, үндэсний эв нэгдэл, эрх чөлөөтэй холбоотой нийгмийн хэрэгцээ шаардлага, эдийн засгийн гэх мэт олон асуудлууд байгааг хэлэлцэх нь байтугай, нээлтээ ёс төдий хийчихээд, аниргүйхэн 7 хоногийг алдаж өнгөрүүллээ. Хуульд “УИХ-ын хаврын ээлжит чуулган 3 дугаар сарын 15-ны өдрөөс эхлэн 75-аас доошгүй ажлын өдөр чуулна” гэж заасан бөгөөд эрхэм гишүүдийг сонгож, Саналаа өгч өөрийнхөө өмнөөс төрд илгээсэн ард түмний хувьд нэг өдөр ч хайран байна.
0
0
0
0
0
0
0
0
