Улсын начин Л.Энхсаруул түрүүлэв
Дорнод аймгийн замд энэ сарын 23-ны орой зам тээврийн ноцтой осол гарч, 7 хүн нас барсан харамсалтай хэрэг гарчээ. Тодруулбал, Ланд 200 маркийн автомашин Ford машинтай мөргөлдсөний улмаас Ford машин шатсан байна. Улмаар машинд зорчиж явсан 7 хүн нас барсан гэх мэдээлэл байна.
Нас барсан 7 хүний гурвыг нь тогтоосон бөгөөд 4 хүнийг одоогоор хэн болохыг тогтоож чадаагүй байгаа аж. Уг ослын шалтгааныг тодруулахаар аймгийн цагдаагийн газар ажиллаж байна.
Сануулахад, өчигдөр цаг уурын байгууллагаас цас орж, цасан шуурга шуурч, ихэнх нутгаар хүйтрэх тул үзэгдэх орчин хязгаарлагдаж, зам, даваа, гүвээнд хальтиргаа гулгаа үүсэхийг анхааруулсан.
Тэгвэл Тээврийн цагдаагийн албанаас цаг агаарын нөхцөл байдалтай холбогдуулан орон нутгийн замд цас ихээр орж, цасан шуургатай, халтиргаа гулгаа үүсэх, үзэгдэх орчин хязгаарлагдмал болж байгаа тул тээврийн хэрэгслийн техникийн бүрэн бүтэн байдлаа хангаж, хурдаа тохируулах, шаардлагагүй бол холын замд зорчихгүй байхыг зөвлөж байна.
0
0
0
0
1
1
0
1
