Ч.Хантүмэн: Данс хаачихлаа, дарга нарыг мууллаа гээд ингэв үү
Одоогоос 11 жилийн өмнө Монгол улсын хэмжээнд 435 хэвлэл мэдээллийн хэрэгсэл тогтмол үйл ажиллагаа явуулж байжээ. Энэ тоо 2020 онд 513 болж өссөн бол 2023 онд 434 болон буурч 10 жилийн өмнөх үетэй ижил хэмжээнд хүрсэн байна.
Сонин, сэтгүүл
Жил ирэх тусам хамгийн олноор буурч буй хэвлэл мэдээллийн хэрэгсэл бол сонин,сэтгүүл бөгөөд тус бүр 10 жилийн өмнөхөөс 54 хувиар буурсан үзүүлэлттэй байна.
Борлуулалтын хувьд
Сонин: 2014 онд нийт 20 сая орчим сонины дугаар борлуулагдаж байсан бол өдгөө 7 сая хүрч буурчээ.
Сэтгүүл: 2014 онд 4.5 сая орчим сэтгүүл борлуулагдаж байсан бол өмнөх онд 186 мянган сэтгүүл борлуулагдаж нийт сэтгүүлийн борлуулалт 96 хувиар буурсан үзүүлэлттэй байна
Телевиз, Радио
Монгол улсын хэмжээнд нийт 111 телевиз тогтмол үйл ажиллагаагаа явуулж байгаа бөгөөд телевизийн тоо 10 жилийн өмнөөс 27-оор буурчээ.Телевизүүдийн 90 хувийг хувийн хэвшил, 5 хувийг төрийн бус байгууллагууд үлдсэн 5 хувийг төр эзэмшиж байна.
Монголын хэвлэлийн хүрээлэнгээс эрхлэн гаргасан “Монголын хэвлэл мэдээлэл өнөөдөр” мониторингийн тайланд дурдсанаар өдгөө 45 радио үйл ажиллагаа явуулж байгаа нь 10 жилийн өмнөөс 37.5 хувиар буурсан үзүүлэлт юм. Эдгээр радиогийн эзэмшлийн хувьд 71 хувийг хувийн хэвшил, 13 хувийг төрийн бус байгууллагууд,16 хувийг төр эзэмшиж байна.
Мэдээллийн сайт
Цаг үетэйгээ уялдан сүүлийн 10 жилд тасралтгүй өсөж байгаа хэвлэл мэдээллийн хэрэгсэл бол мэдээллийн сайт юм. Сүүлийн 10 жилд даруй 50 хувиар өссөн бөгөөд өдгөө 186 мэдээллийн сайт үйл ажиллагаа явуулж байна. Үүнээс 161 нь нийслэлд, 25 нь орон нутагт үйл ажиллагаагаа явуулж байна. Эзэмшлийн хувьд 93 хувийг хувь хүн, байгууллага эзэмшиж байгаа бол 5 хувийг төрийн бус байгууллагууд үлдсэн 2 хувийг төр эзэмшиж байна.
0
0
0
0
0
0
0
0
