Эдийн засгийн эрх чөлөөний тухай хуулийн төсөл өргөн мэдүүллээ
Нийслэлийн Ерөнхий боловсролын 55 дугаар сургуулийн 50 жилийн ойд зориулан шуудангийн марк худалдаанд гаргалаа.
“Хүүхдүүд” сэдэвт энэхүү марк нь өмнө нь Монголын Хүүхдийн төлөө фондод хандив хөрөнгө төвлөрүүлэх зорилгоор нэмэлт үнэтэй хэвлэгдэж байсан онцлогтой бөгөөд хүүхэд бүрийн хүсэл мөрөөдөл, хөгжил дэвшил, гэрэлт ирээдүйг утга агуулгатай бүтээл юм.
Монгол шуудан ХК нь монгол улсад шинэ марк гаргахдаа анхны өдрийн нээлтийн ёслол зохион байгуулж, анхны өдрийн дугтуйг баталгаажуулдаг уламжлалтай юм. Энэ уламжлалын дагуу нөөцөөд хадгалагдаж байсан “Хүүхдүүд” маркны нээлтийг зохион байгууллаа.
55 дугаар сургууль нь хөгжлөөрөө ялгаатай хүүхдүүдийн хэрэгцээнд нийцсэн хөгжлийг дэмжих сургалтыг олон арван жилийн турш тасралтгүй хэрэгжүүлж, сурагчдад хэрэгцээт мэдлэг чадвар олгоод зогсохгүй, хүүхэд бүрийг өөртөө итгэх итгэлтэй нийгэмд өөрийн байр сууриа эзлэх иргэн болгон төлөвшүүлэх, бие даасан амьдрал хөдөлмөрт бэлтгэх зорилгыг хэрэгжүүлэн ажиллаж ирсэн боловсролын байгууллага юм.
Энэхүү шуудангийн марк нь боловсролын салбар, тэр дундаа тусгай хэрэгцээт боловсролын салбарт тус сургуулийн оруулсан хувь нэмэр, хүмүүнлэг үйл ажиллагааны үнэ цэнийг өндрөөр үнэлж хагас зуун жилийн түүхэн замнал, ололт амжилтыг шуудангийн үнэт бүтээлээр мөнхлөн үлдээж байгаагаараа онцгой ач холбогдолтой юм.
Ч.Энхзул
0
0
0
0
0
0
0
0
