Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Боловсрол, шинжлэх ухааны сайд Л.Энх-Амгалан Хөвсгөл аймаг дахь Политехник Коллежийн үйл ажиллагаатай танилцан багш ажилтнуудтай уулзав. Тус коллежийн хэв шинжийг өөрчилж ШУТИС-ийн харьяа болгож байгаатай холбогдуулан сургуулийн зорилго, бүтэц, чиглэлийг тодорхой, оновчтой болгох шаардлага үүссэн.
“Политехник коллежийг ойн мэргэжилтэн, байгаль орчин, аялал жуулчлалын менежмент, үйлчилгээ, үйлдвэрлэл, мал аж ахуйд түшиглэсэн хөнгөн үйлдвэр, аж үйлдвэрийн мэргэжилтнүүд бэлтгэх чиглэлд төрөлжүүлэх зорилт тавина. Оюутан төгсөөд шууд ажлын байранд очдог, дадлага зонхилсон ур чадварын хөтөлбөр хэрэгждэг, коллежийн багш нарын мэргэжлийн чадварыг сайжруулах чиглэлд анхаарна. Мөн суралцагч өөрөө хүсвэл байгаль орчин, аялал жуулчлал, барилга, тээвэр, хүнс хөдөө аж ахуй, хөнгөн үйлдвэрлэл, мэдээллийн технологийн чиглэлээр ШУТИС-д шатлан суралцах боломжтой” хэмээн Л.Энх-Амгалан сайд хэллээ.
Хөвсгөл аймгийн Политехникийн коллежийн 19.1 тэрбум төгрөгийн өртөгтэй шинэ цогцолборын барилгын ажил энэ онд эхлэх юм. Цогцолбор баригдсанаар бүсийн хэмжээний нарийн мэргэжлийн томоохон сургууль болж хөгжих эхлэл, суурь тавигдах юм.
0
0
0
0
0
0
0
0
