Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
"Авьяаслаг Монголчууд” шоуны ялагч О.Энх-Эрдэнэ "Авьяаслаг Америкчууд" шоунд оролцож шүүгч нарыг алмайруулсан бичлэг "America’s Got Talent" албан ёсны facebook хуудаст байрлалаа. О.Энх-Эрдэнэ "Авьяаслаг Америкчууд" шоунд "Friends in Low Places" хэмээх дууг дуулсан бөгөөд түүнийг шүүгчид “Авьяаслаг Монголчууд” шоуны ялагч гэдгийг тодотгож, түүний дуулалтыг "гайхалтай" хэмээн онцолжээ.
Шоуны хөтлөгч Хоуи Мэндел "Чи ам барьж дуулаад байгаа юм уу? Яаж ингэж дуулж чадаж байна аа" хэмээн итгэж ядан асуусан бол бусад шүүгчид түүнд "Энэ шоунд хэн ч ам барьж дуулдаггүй. Хүнийг битгий гаднаас нь харж дүгнэ" хэмээн хэлжээ. Хоолойг нь сонсоод гайхширсан шүүгчид дараа нь түүнээс "Чи яаж энэ төрлийн хөгжмийг мэддэг юм бэ? Яаж анх энэ төрлийг сонирхох болсон юм?" хэмээн асуухад шүүгч Саймон Коуэлл "Интернэт гэж зүйл байдаг шүү дээ" хэмээн бусад шүүгчдэд хариу өгчээ.
Жүжигчин Хэйди Клум түүний ментор болохоор шийдэн, сонгож авсан байна. Уг нь шүүгч Саймон түүнийг багтаа авахаар шийдсэн байсан ч Хэйди түрүүлж түүнийг сонгосон юм. Хэйди Клум түүнд "Чи бол гайхалтай хоолойтой хүн, чи бол манай багийн чухал хүн" хэмээн хэлжээ.
0
0
0
0
0
0
0
0
