Ч.Хантүмэн: Данс хаачихлаа, дарга нарыг мууллаа гээд ингэв үү
Эрх баригч намынхан Үндсэн хуулийн нэмэлт өөрчлөлт хийхээр зэхэж буй. Харин Н.Энхбаяраар ахлуулсан ажлын хэсэг Шинэ Үндсэн хуулийн төсөл боловсруулсан. УИХ-ын даргын тухайд Үндсэн хуулийг цоо шинээр өөрчлөн батлахгүй. Харин Үндсэн хуульд, нэмэлт өөрчлөлт оруулна гэдэгтэй санал нэгдэнэ гэдгээ илэрхийлээд байна.
ҮНДСЭН ХУУЛИЙН ӨӨРЧЛӨН НАЙРУУЛАХЫГ ТА ДЭМЖИЖ БАЙНА УУ?
Үндсэн хуулийн нэмэлт өөрчлөлттэй холбоотойгоор Улсын хэмжээнд “Зөвлөлдөж шийдье” санал асуулгыг зохион байгуулсан. Үүнд 1570 иргэнийг хамруулж улс орны хөгжил, засаглалын чадавхтай холбоотой асуултуудыг асуусан байдаг. Санал асуулгын Үндсэн чиглэл нь УИХ-ын гишүүдийн тоог өөрчлөх талаар иргэдийн санаа бодлыг тандахад чиглэгдсэн ч гэж хэлж болно. Тухайлбал “2019 онд хийсэн Үндсэн хуулийн нэмэлт өөрчлөлтийн дагуу холбогдох хуулиудыг батлах нь зөв гэж та үзэж байна уу, Монгол улсын Үндсэн хуулийг шинэчлэн найруулж хэлэлцэхийг та дэмжиж байна уу, Иргэдийн төлөөлөх парламентийн чадавхийг нэмэгдүүлж, төлөөллийг ардчиллыг бэхжүүлэх хэрэгтэй гэдэг дээр та санал нэгдэж байна уу, Монгол улсын их хурлын сонгуулийг явуулахдаа олонхийн болон хувь тэнцүүлсэн тогтолцоог хослуулах нь зөв гэдэгтэй та санал нэгдэж байна уу гэх зэрэг асуултууд багтжээ. Товчхондоо “Үндсэн хуулийг өөрчлөх үү, гишүүдийн тоог нэмэгдүүлэх үү” хэмээн 1570 иргэнээс төлөөлөл болгон асуугаад байгаа юм. Хэдийгээр энэ санал асуулгын асуултуудыг нийтэд ил болгоогүй ч нийгмийн сүлжээнд санал асуулгын асуултууд нээлттэй тавигдаж эхэлсэн. Ингэснээр зөвлөлдөх санал асуулга бүхий л талаараа Үндсэн хуулийнхаа нэмэлт өөрчлөлтөд чиглэсэн гэж харж болохоор байна. Эдгээрээс гадна “Монголд хөдөлмөрийн үнэлэмж ямар байгаа талаар болон Нийгмийн даатгал болон эрүүл мэндийн даатгалын тогтолцоо зөв байгаа эсэх талаар иргэдээс асуужээ.
ХОЁР ДАХЬ ШАТНЫ САНАЛ АСУУЛГА ТӨРИЙН ОРДОНД ЭХЭЛЛЭЭ
“Зөвлөлдөж шийдье” санал асуулгын хоёрдугаар үе шат өнөөдөр Төрийн ордонд эхэлж байна. Эхний шатны санал асуулгад оролцсон иргэд хоёрдугаар шатны асуулгад оролцож байна. Хэдийгээр энэ санал асуулгаар Үндсэн хуульд нэмэлт, өөрчлөлт оруулах асуудлыг хэлэцэхгүй хэмээн мэдэгдэж байгаа ч тогтолцооны асуудлыг хэлэлцэх нь тодорхой байна. Ер нь, Үндсэн хуульд нэмэлт өөрчлөлт оруулах асуудалд олон намын төлөөлллийг оролцуулах санал гарч ирсэн байдаг. Ингээд Н.Энхбаяраар ахлуулсан ажлын хэсгийг томилсон ч тухайн ажлыг хэсэг Парламентыг хоёр танхимтай болгох хувилбар бүхий Шинэ үндсэн хууль боловсруулсан байдаг. Харин УИХ, Засгийн газар “Энэ бол зөвхөн хувилбар. Бид Үндсэн хуулийг цоо шинээр өөрчлөн батлахыг дэмжихгүй. Нэмэлт өөрчлөлт оруулна” хэмээн мэдэгдээд байгаа юм. Ийнхүү ирэх сонгуулийг угтсан тогтолцооны өөрчлөлт яригдсаар байна. Сонгуулийг холимог тогтолцоогоор явуулж, намуудын санал гээгддэг байдлыг халах, мөн УИХ-ын гишүүдийн тоог нэмэгдүүлэх асуудлыг хөндөж байна. Энэ нэмэлт өөрчлөлтийг Парламент дээр дэмжүүлэхийн тулд АН-тай тохиролцсон гэх мэдээлэл ч улстөрийн хүрээнд яригдаж байгаа юм.
0
0
0
0
0
0
0
0
