Ч.Хантүмэн: Данс хаачихлаа, дарга нарыг мууллаа гээд ингэв үү
Өнөөдөр Монгол улсад тахь сэргээн нутагшуулсны 30 жилийн ой тохиож байна. Тахь манай орны байгаль цаг уурт дасан зохицож ирсэн амьтан бөгөөд 1960-аад оноос тоо толгой нь цөөрч эхэлжээ. Тахийг эх нутагт нь сэргээн нутагшуулах ажил 1992 оны зургаадугаар сарын 5-нд Төв аймгийн Хустайн нуруунд 16 тахь авчирснаар эхэлсэн. Дараа нь Говь-Алтай аймагт таван тахь тээвэрлэн нутагшуулсан түүхтэй.
Хустайн нурууны байгалийн цогцолборт газарт 1992-2000 онд 84 тахь, Говийн их дархан цаазат газарт 1992-2019 онд 130 тахь тээвэрлэж нутагшуулсан байна. Энэ хугацаанд Хустайн нурууны байгалийн цогцолборт газраас Говийн их дархан цаазат газрын Б хэсэг рүү долоон тахь тээвэрлэн нутагшуулж, цус сэлбэх үйл ажиллагаа зохион байгуулжээ. Тахь нутагшуулах үйл ажиллагаа цар хүрээгээ тэлж, Завхан аймгийн Хомын талд 2001-2011 онд 27 тахийг тээвэрлэн нутагшуулснаар Монгол улсад гурван газар тахь нутагшуулах төслийг хэрэгжүүлсэн.
Өнөөдрийн байдлаар, Хустайн нурууны байгалийн цогцолбор газарт 422 тахь, Говийн их дархан цаазат газрын Б хэсэгт 386 тахь, Хомын талын байгалийн цогцолбор газарт 132 тахь, нийт 940 толгой тахь Монгол улсад сэргээн нутагшиж байгаа бөгөөд манай улс дэлхийд хамгийн олон тахьтай орон болсон байна.
Байгаль орчны гавьяат ажилтан О.Доржраа “Анх тахь нутагшуулах асуудлыг 1985 онд Москвад болсон олон улсын зөвөлгөөнөөр эцэслэн шийдсэн. Зөвөлгөөний дараа манай улс энэ асуудлыг баяртайгаар хүлээн авч 1990 онд тахийг орон нутагт нь сэргээн нутагшуулах ажлыг зохион байгуулах үндэсний комисс байгуулсан. 1990 оноос бэлтгэл ажлаа хийгээд, 1991 онд дууссан. 1992 оны зургаадугаар сарын 5-ны өдөр анхны тахь хүлээж авсан түүхтэй. Анхны тахь нутагшуулж байхад Монгол оронд тахинд зарцуулах байтугай, талханд зарцуулах мөнгөгүй шахуу байсан. Манай залуус гадаад, дотоодын жуулчдыг хүлээн авч санхүүгийн эх үүсвэр бүрдүүлж, санхүүжилтын асуудлыг зөвхөн төслөөр шийдэж, Засгийн газраас нэг ч төгрөгийн зардал гаргахгүй бүх ажлаа амжуулж байгаа сайхан жишээнүүд байна. үүнийг үргэлжлүүлэн хөгжүүлэх ажил юу юунаас илүү чухал байна” гэлээ.
Тахь нутагшуулах 30 жилийн арга хэмжээ нь улсын хэмжээнд ЕБС-ийн сурагчдын дунд “Тахь нутагшуулалт ба байгаль хамгаалал” сэдвийн доор гар зургийн уралдаан зарласнаар эхэлсэн. Хагас сарын өмнө дүнгээ гаргаад, хүүхдийн урлан бүтээх төвтэй хамтран үзэсгэлэн ч гаргажээ. Ойг тэмдэглэлт үйл ажиллагаагаа наймдугаар сарын 7-10 хооронд болох юм байна.
Мэдээллийн дэлгэрэнгүйг дээрээс хүлээн авч үзнэ үү.
0
0
0
0
0
0
0
0
