Ц.Нямдорж: Надад одоогийн байдлаар ямар нэгэн ажлын санал тавиагүй
Хөдөлмөрийн тухай хуулийн шинэчилсэн найруулгад уртын ээлжийн ажилтнуудыг 14 хоног ажиллаж, 14 хоног амардаг байхаар зохицуулсан. Ингэснээр ажилтнууд эрүүл мэнддээ анхаарах, гэр бүлдээ цаг гаргах зэрэг олон эерэг талтайг гэж байсан ч бодит байдал ажилтнуудын цалин буурсан, илүү цагийн урамшууллаа тооцуулж авах боломжгүй боллоо гэх зэргээр, ялангуяа, уул уурхайн салбарын ажилтнууд гомдолтой байна.
УИХ-ын гишүүн Т.Доржханд "Хууль батлаад, үйлдвэрлээд байдаг. Тэр нь амьдрал дээр хэрэгжиж байна уу гэж үзэхээр ердөө зургаан сарын дараа хэрэгжихгүй нь нотлогдлоо. Уул уурхайн салбарт ажилладаг залуусын орлого буурч, нийгмийн асуудал нь хөндөгдөж эхэлсэн. Зээл авчихсан, хүү нь хуримтлагдсаар байтал төлж чадахгүйд хүрсэн. Үр дүнд ажилгүйдэл, ядуурал бий болох гээд байгаа тул Хөдөлмөрийн хуульд өөрчлөлт оруулж, залуусынхаа асуудлыг шийдэх хэрэгтэй байна" гэв.
Хуульч О.Батхүү "Хүн цалин авахын тулд ажил хийж, гэр бүлээ тэжээн амьдралаа босгодог. Хүмүүс болоод явж байхад төр орж ирээд "Чи заавал 14 хоног амар" гэж хүчээр амрааж байгаа нь буруу. Хөдөлмөрийн тухай хуульд сонголттой заалт оруулж өгөх хэрэгтэй байна.
Ээлжиндээ 21 хоног ажиллаж, 14 хоног амардаг байя. Ажил олгогч болон ажилтан харилцан тохиролцвол энэ ростерийг өөрчилж болохоор тусгая" гэсэн юм.
Уурхайд оператор хийдэг иргэн Н.Алтансүх "Цалин буурснаар залуус орлогоо нэмэгдүүлэхийн тулд давхар ажил хийх болсон. Ингэснээр амралтын хугацаанд илүү ядрах, ажил дээрээ бүтээмж багасаж, осол гаргах магадлал нь нэмэгдэж байна" хэмээв.
0
0
0
0
0
0
0
0
