Байдены заxиргaa бүрэн эрxийнxээ xугацаанд Украины өрийг тэглэxийг эрмэлзэж байна
Вакцины тэгш бус байдал тахал өвчнийг уртасгаж, шинэ хувилбарууд үүсэх эрсдэлийг нэмэгдүүлнэ гэж эрдэмтэд дүгнэжээ.
Хэрэв чинээлэг улс орнууд вакциныхаа тунгийн тэн хагасыг орлого багатай орнуудад хандивлавал дэлхий нийт Ковидийн шинэ хувилбаруудаас илүү сайн хамгаалагдаж, бага болон дунд орлоготой орнуудад нас баралт эрс багасна гэдгийг шинэ судалгаа харуулсан байна. Судалгаагаар вакцины тэгш бус байдал нь тахлын тархалтыг уртасгаж, шинэ хувилбар үүсэх эрсдэлийг нэмэгдүүлдэг тул вакцин хандивлах нь чинээлэг үндэстнүүдийн хувийн ашиг сонирхолд нийцсэн болохыг тогтоожээ.
Судалгаанаас харахад өндөр орлоготой орнууд Ковид вакцины нөөцийнхөө 46 хувийг хандивлавал бага, дунд орлоготой орнуудад коронавирусийн шалтгаант нас баралт мэдэгдэхүйц буурч, вакцины хандивын хэмжээ бага ч гэсэн нэмэгдэх нь харьцангуй ашигтай нөлөө үзүүлнэ гэдгийг баталсан байна.
Бага орлоготой орнуудын хүн амын ердөө 5 гаруй хувь нь бүрэн вакцинд хамрагддаг бол өндөр орлоготой орнуудын 72 хувь нь вакцинд хамрагдсан аж.
Хонг Конгийн Их Сургуулийн дэд профессор, судалгааны ахлагч хэлэхдээ, баян чинээлэг улс орнууд вакцинаа бусад оронд тараахаас өмнө хүн амаа хамгаалахын тулд тунг нь баталгаажуулахыг эрмэлздэг нь ойлгомжтой. Гэхдээ өндөр орлоготой орнуудад вакцин хадгалах, нөөцлөх нь тэдний төсөөлж байсан шиг тийм ч чухал биш, учир нь энэ нь маш богино хугацааны хамгаалалт юм" гэдгийг онцолжээ.
Энэхүү судалгааны загварчлал нь хүний хөдөлгөөнийг олон улсын хэмжээнд хянадаг нисэхийн мэдээлэлд суурилсан бөгөөд вакцины хуваарилалтын өөр стратегиар таван жилийн хугацаанд юу болохыг урьдчилан таамаглах байдлаар хийгдсэн аж.
Судалгаагаар гарсан өөр нэг онцлох дүн нь тэгш бус вакцинжуулалт нь эхний жилдээ өндөр орлоготой орнуудад нас баралт хурдан буурахад хүргэх боловч дараагийн жилүүдэд улс орнууд дахин халдвар авах, Ковидийн шинэ давалгаанд өртөмтгий болно гэдгийг харуулсан.
Тус багийнхан судалгааг Дельта болон Омикрон хувилбарууд гарч ирэхээс өмнө эхлүүлсэн бөгөөд энэ нь судалгааны таамаглалыг тусгасан хөгжүүлэлт юм.
Баян чинээлэг улс орнууд зөвхөн хөршүүддээ вакцин хандивласнаар зөвхөн хязгаарлагдмал ашиг тустай байдаг. Тиймээс бүс нутгийн хуваарилалтын оронд дэлхийн хэмжээнд хуваарилсан нь дээр" гэдгийг судалгааны ахлагч Жинпен Чан онцолжээ.
Австрали улс хөрш орнуудад 18 сая Ковид вакцины тунг тараасан боловч вакцины тунг дэлхий даяар тэгш хуваарилах зорилготой Дэлхийн Эрүүл Мэндийн Байгууллагын дэмжлэгтэй Ковакс санаачилгад тэг тунг өгсөн.
2021 оны 3-р сард тархвар судлаачдын олон улсын судалгаагаар 88% нь олон оронд вакцинжуулалтын түвшин бага байх нь вакцинд тэсвэртэй омог үүсэх магадлалыг нэмэгдүүлнэ гэж үзсэн нь бий.
Эх сурвалж: The Guardian
0
0
0
0
0
0
0
0
