Ч.Хантүмэн: Данс хаачихлаа, дарга нарыг мууллаа гээд ингэв үү
"Ковид-19" Уламжлалт анагаах ухаан сэдвийн хүрээнд Уламжлалт анагаах ухаан, технологийн хүрээлэнгийн эмнэлгийн эмч Г. Жаргалсайхан мэдээлэл өглөө.
Ковидоор өвдсөн үед идээ, ундаа, явдал мөрийн эмчилгээг хийснээр өвчнөөс урьдчилан сэргийлэх, эрүүл байх, өвчнийг хурдан дарж эдгэрэх ач холбогдолтой. Уламжлалт анагаах ухаанд эмчилгээний дөрвөн ерөндөг байдаг.
Үүнд:
- Эм
- Засал
- Идээ ундаа
- Явдал мөр
Бүх коронавируст халдварын хувилбарууд нь ханиадны үед үзүүлдэг эхэн үеийн шинж тэмдгээр эхэлж буй. Энэ үед уламжлалт анагаах ухаанаас Мана-4, Норов-7, Лидер-7 гэсэн тангуудыг зөвлөж байгаа. Тангууд нь дархлааг эсийн түвшинд нь дэмждэг. Дархлааг эсийн түвшинд дэмжих нь хүний биеийн хүч тамирыг хадгалж, хамгаалж халдварын эхэн үед халдварыг дарах боломжтой. Харин өвчтөн өндөр халуурах, амьсгаадах, цээж давчдах зэргээр ханиадны шинжүүд хүндэрч байгаа тохиолдолд эмнэлэгт хандах хэрэгтэй. Ханиадны эхэн үед хоолой хөндүүрлэж өвдөх, хамрын угаар шархирах шингэн нус гоожих, толгой өвдөх зэргээр илэрч байдаг.
Энэ үед нь хонь болон үхрийн махны шөлөнд цагаан гаа, сармис зэргийг хийн битүү шөл хийж идэх зэргээр халуун хоол ундаар эс боловсорсон халууныг дарах уламжлалт эмчилгээний арга байдаг. Харин ханиад дөнгөж эхэлж байх үед бантан, гурилтай шөл, ясны шөл зэрэг тэгш чанартай, шингэц сайтай, биеийн тамирыг тэтгэх хоол унд хэрэглэх нь зүйтэй.
Дархлаа дэмжих унд:
- Ширгээсэн ус
- Зөгийн балтай ус
- Буцалсан ус
- Аарц
- Үзэм
- Чацарганы шүүс
Хориглох унд:
- Хоол, цайг хүйтнээр хэрэглэх
- Хүйтэн ус уух
- Шар, цагаан будааны зутан шөл хүйтэн чанартай хийг ихэсгэдэг хоол ундны төрөлд ордог учир ханиадны эхэн үед хэрэглэхгүй байхыг зөвлөдөг.
0
0
0
0
0
0
0
0
