Ц.Нямдорж: Надад одоогийн байдлаар ямар нэгэн ажлын санал тавиагүй
УИХ шинэ Засгийн газрын тэргүүн, Ерөнхий сайдаа “дуу нэгтэйгээр” томиллоо. Сайдуудын томилгоо ч төвөггүй хийгдэх биз.
Харин шинэ Засгийн газрыг эдийн засгийн хүнд нөхцөл байдал, түүнийг дагасан олон ажил хүлээж байна. Үүнийг Ерөнхий сайд У.Хүрэлсүх хэлсэн үгэндээ ч дурдсан.
Засгийн газрыг нэн яаралтай хүлээж буй ажлууд:
- Өрөө хэрхэн төлөх вэ?
- 2020 онд Мазаалай бондын 600 сая ам. доллар
- 2022 онд Чингис бондын 1 тэрбум ам.доллар
- 2023 онд Гэрэгэ бондын 800 сая ам.доллар
- 2024 онд Хуралдай бондын 600 сая ам.доллар нийтдээ 3 тэрбум ам.долларын өр хүлээж байна.
Эдийн засаг хүндэрсэн энэ үед дахин өр тавьж өрөө дарах уу, татвараа нэмэх үү гэдэг чухал асуудал хоолой дээр тулсан.
- Төсөвт тодотгол хийе
Үндэсний статистикийн хорооноос гаргасан судалгаагаар:
- 2020 оны эхний хоёр сард төсвийн алдагдал 120 тэрбум
- Эхний улирлын байдлаар төсвийн орлого 8.6%, аж үйлдвэрийн салбарын үйлдвэрлэл 19.9 хувь буурч, төсвийн алдагдал 276 тэрбум
- Дөрөвдүгээр сард ДНБ 10.7%, уул уурхайн салбар 29.5%, жижиглэн худалдааны борлуулалт 11.5% тус тус буурч, төсвийн алдагдал 642.4 тэрбум
- Тавдугаар сард төсвийн тэнцвэржүүлсэн нийт тэнцэл 1.6 их наяд төгрөгийн алдагдалтай гарсан билээ.
Дээрхи тоон үзүүлэлтүүдийг харвал шинэ засгийнхан төсөв тодотгохгүй гэж гүрийхгүй байх.
- Хямралыг хохирол багатай давах
Covid-19 цар тахлаас болж дэлхий даяар эдийн засгийн хямрал эхлээд буй. Хэдий хугацаанд үргэлжлэх нь тодорхойгүй энэ нөхлийг хямрал багатайхан давах гэж улс орон бүр өөрсдийн онцлогт тохирсон бодлого хэрэгжүүлж байна. Өрөө нэмчихгүй, ядуурлаа тэлчихгүйхэн хямралыг давах нь том сорилт болж байна.
- Ажлын байрыг хадгалах
МҮХАҮТ-ээс гаргасан судалгаагаар цар тахлын үед манай улсын хэмжээнд 250.000 хүн ажилгүй болно гэсэн судалгаа гарсан. Аялал жуулчлалын салбар л гэхэд 50.000 ажилтан ажилгүй болж байгаа. Ажилгүй иргэдийн тоо нэмэгдэхийн хирээр ядуурал газар авахын цондон юм. Өмнөх Засгийн газраас бизнесүүдийг дэмжиж зургаан сар НДШ-ээс чөлөөлж, ажлын байр хадгалж байгаа бизнесүүд 200 мянган төгрөгний цалин олгож байгаа ч энэ нь урт хугацаанд үр дүнтэй дэмжлэг болж чадахгүй байгаа талаар бизнесийнхэн гомдоллон сууна.
- Экспортын орлогыг нэмэгдүүлэх
УИХ-ын анхдугаар чуулганы нээлт дээр Монгол Улсын Ерөнхийлөгч Х.Баттулгын хэлсэн үг, улиран томилогдсон У.Хүрэлсүхийн үгэнд ч экспорт экспорт бас дахин экспортыг дэмжих талаар дурдсан ч ямар байлдаар эксортоо тэлэх нь тодорхойгүй. Тээвэрлэлтээс болж гол экспорт болох нүүрс, уул уурхайн бүтээгдэхүүн, ноолуурын экспорт одоогоор эрс багассан байдалтай байна.
Гээд заримаас нь л дурдахад хоолойн дээр тулсан маш олон ажлууд шинэ Засгийн газрыг хүлээж байна. Сонгуулийн ”хөөсрөл”-д дарагдаад хямрал төдийлөн мэдрэгдэхгүй байгаа ч цаг хугацаа хүлээхгүй.
0
0
0
0
0
0
0
0
