Ясмин Фуад: Газрын асуудлыг байгаль орчноос гадна эдийн засаг, нийгмийн хүрээнд авч үзнэ
Улаанбаатар хотноо болж буй НҮБ-ын Цөлжилттэй тэмцэх тухай конвенцын Талуудын 17 дугаар бага хурал буюу COP17-д 197 орны төлөөлөгчид оролцож, 20 гаруй мянган зочин, төлөөлөгч Монгол Улсад хүрэлцэн ирээд байна.
Дэлхийн 197 орноос төр, засгийн төлөөлөгчид, олон улсын байгууллага, эрдэмтэн судлаачид, бизнесийнхэн болон иргэний нийгмийн төлөөлөл Улаанбаатарт цугласан энэ томоохон арга хэмжээг зохион байгуулахад хурлын талбай, аюулгүй байдал, тээвэр ложистикоос гадна зочдыг хаана байрлуулах, хэрхэн хүлээн авах, хоол хүнс, үйлчилгээний стандартыг хангах зэрэг аялал жуулчлал, зочлох үйлчилгээний салбарын бэлтгэл чухал үүрэгтэй.
Энэ ажлыг Монголын талаас Соёл, спорт, аялал жуулчлал, залуучуудын яам болон Монголын аялал жуулчлалын мэргэжлийн нэгдсэн холбоо хамтран зохион байгуулж, холбооны салбар хороо, гишүүн байгууллага, аж ахуйн нэгжүүдийг энэ ажилд татан оролцуулжээ.
Зочдыг байрлуулах, хүлээн авах ажлыг салбарын хэмжээнд зохион байгуулжээ
COP17-ын үеэр Монгол Улсад ирсэн олон мянган зочин, төлөөлөгчийг байрлуулахын тулд Улаанбаатарын зочид буудал, жуулчны бааз болон бусад байрлах үйлчилгээний байгууллагуудыг бэлтгэх, үйлчилгээний стандарт, аюулгүй байдлыг хангах ажлыг зохион байгуулсан байна.
Аялал жуулчлалын мэргэжлийн нэгдсэн холбооны мэдээллээр COP17-ын Ажлын албатай хамтран хурлын зочдын байрлах зочид буудал, жуулчны бааз болон бусад байршуулах хэрэгслийн үйл ажиллагаанд стандартын үзлэг шалгалт хийх ажлын хэсэг байгуулжээ.
Тус ажлын хэсэгт Онцгой байдлын байгууллагын төлөөлөл мөн оролцсон байна.
Ингэснээр зочдыг зөвхөн өрөөгөөр хангах бус, байрлах газрын аюулгүй байдал, үйлчилгээний чанар, стандартын шаардлагыг хангах чиглэлээр урьдчилан бэлтгэл хийсэн байна.
COP17-ын зочдод зориулсан албан ёсны байрлах газрын систем ажиллав
COP17-ын хүрээнд оролцогчдод зориулсан албан ёсны байрлах газрын захиалгын платформ ажиллуулжээ.
Уг системээр дамжуулан хурлын зочид, төлөөлөгчид Улаанбаатар хотын санал болгосон зочид буудлуудын мэдээлэлтэй танилцаж, байрлах газраа захиалах боломжтой байсан байна.
Энэ нь 20 гаруй мянган зочин, төлөөлөгчийг хүлээн авахтай холбоотой байршуулалтын ажлыг нэгдсэн зохион байгуулалтаар хангах нэг хэсэг болжээ.
Өөрөөр хэлбэл COP17-ын зочдыг байрлуулах ажил нь нэг зочид буудал, нэг аялал жуулчлалын компанийн хүрээнд бус, хотын хэмжээнд зочлох үйлчилгээний салбарын олон байгууллагыг хамарсан зохион байгуулалт болсон байна.
Аялал жуулчдадын мэргэжлийн нэгдсэн холбооны гишүүн компаниуд идэвхтэй оролцож, амжилттай зохион байгуулж байна
Энэ ажлын дараагийн шатанд Аялал жуулчлалын мэргэжлийн нэгдсэн холбооны гишүүн аж ахуйн нэгжүүд чухал үүрэг гүйцэтгэж байна.
Тус холбооны гишүүн аялал жуулчлалын компаниуд нь COP17-д оролцохоор Монгол Улсад ирсэн зочид, төлөөлөгчдөд байрлах газар захиалах, зочдыг хүлээн авах, байрлуулах болон аялал жуулчлалтай холбоотой бусад үйлчилгээг үзүүлэхэд оролцож байна.
Тэдгээрийн нэг нь “Дэлхий Трэвел Х” буюу Travel X компани юм.
Travel X нь Аялал жуулчлалын мэргэжлийн нэгдсэн холбооны гишүүн компанийн хувьд COP17-ын үеэр Монгол Улсад ирсэн зочид, төлөөлөгчдийн буудлын захиалга, зочдыг хүлээн авах, байрлуулах үйлчилгээний ажилд оролцож буй аялал жуулчлалын компаниудын нэг юм.
Ингэснээр төрийн байгууллага болон мэргэжлийн холбооны түвшинд зохион байгуулж буй ажлыг салбарын хувийн хэвшлийн компаниуд газар дээр нь хэрэгжүүлэх хэлбэрээр ажиллаж байна.
Зөвхөн буудал биш, зочлох үйлчилгээний салбарыг бүхэлд нь бэлтгэжээ
COP17-ын бэлтгэл ажил зөвхөн зочид буудлын өрөө бэлдэхээр хязгаарлагдсангүй.
АЖМНХ-аас зочлох үйлчилгээний салбарын ажилтнуудыг олон улсын зочин хүлээн авахад бэлтгэх сургалтуудыг зохион байгуулжээ.
Энэ хүрээнд Улаанбаатарын 1-3 одтой зочид буудал, орон нутгийн жуулчны бааз, зочид буудал, ресторан, зам дагуух үйлчилгээний байгууллагын ажилтнуудыг сургалтад хамруулсан байна.
Тухайлбал, 200 мэргэжлийн тогооч, 100 бариста, бартендер болон уух зүйлийн үйлчилгээний ажилтан сургалтад хамрагджээ.
Мөн COP17-ын зочин хүлээн авах байгууллагуудын үйлчилгээний чанар, стандартыг сайжруулах, байгальд ээлтэй зочлох үйлчилгээний талаар мэдлэг, ур чадварыг дээшлүүлэх чиглэлээр сургалт, контент боловсруулах ажлыг хэрэгжүүлсэн байна.
Төр, мэргэжлийн холбоо, хувийн хэвшлийн хамтын ажиллагаа
Ийнхүү COP17-ын 20 гаруй мянган зочин, төлөөлөгчийг Монгол Улсад хүлээн авах ажилд төр, мэргэжлийн холбоо болон хувийн хэвшлийн байгууллагуудын уялдаа чухал үүрэг гүйцэтгэж байна.
Товчхондоо, Соёл, спорт, аялал жуулчлал, залуучуудын яам салбарын бодлого, зохион байгуулалтын түвшинд, Аялал жуулчлалын мэргэжлийн нэгдсэн холбоо мэргэжлийн болон салбарын зохицуулалтын түвшинд, харин холбооны гишүүн аялал жуулчлалын компаниуд газар дээрх үйлчилгээ, байршуулалт, зочин хүлээн авах ажилд оролцож байгаа гэсэн бүтэцтэй байна.
Энэ хүрээнд Travel X зэрэг аялал жуулчлалын компаниудын оролцоо нь Монгол Улсыг олон улсын хэмжээний томоохон арга хэмжээний үеэр гадаадын зочдыг хүлээн авах, байрлуулах, аялал жуулчлалын болон зочлох үйлчилгээ үзүүлэхэд хувийн хэвшлийн салбарын гүйцэтгэж буй үүргийг харуулж байна.
COP17 нь Монгол Улсад ирсэн олон мянган гадаадын зочны хувьд зөвхөн олон улсын хурлын оролцоо бус, Монголын аялал жуулчлал, зочлох үйлчилгээний салбарын чадавхыг дэлхийд харуулах томоохон боломж болж байна.
0
0
0
0
0
0
0
0
