Үс шинээр үргээлгэх буюу засуулбал нас уртадна
Цэвэршилт нь эмэгтэйчүүдийн сарын тэмдэг зогсох хөгшрөлтийн хэвийн үйл явц юм. Эмэгтэйн нөхөн үржихүйн нас дуусах үед бие махбодод гарах хэвийн өөрчлөлт юм.
Цэвэршилт 45-55 насны хооронд зонхилон тохиолдох ба зарим эмэгтэй үүнээс эрт эсвэл орой цэвэршдэг. Хэрэв ямар нэг шалтгаангүйгээр сарын тэмдэг зургаан сараас дээш хугацаагаар ирээгүй бол цэвэршилт эхэлсэн гэж үзнэ.
Нас ахих тусам эмэгтэй хүний өндгөвчний үйл ажиллагаа аажмаар суларч, бэлгийн даавар эстроген дааврын ялгаралт багассантай шууд холбоотой юм. Түүнчлэн сонирхуулахад эмэгтэй хүн төрөх бүрт цэвэршилт 280 хоногоор хойшилдог гэх. Өөрөөр тайлбарлавал, жирэмсэн үед ирэх байсан өндгөн эсийн тоо, төрсний дараах сарын тэмдэгийн ирээгүй хоногийн тооноос шалтгаалан өндгөн эсийн тоо нөөцлөгддөг байна. Тооцоолбол, дунджаар есөн сар хүүхэд тээх хугацааг 30 хоногт үржүүлэхэд 270 орчим хоног бөгөөд хэрэв та арван сар тээсэн бол 300 орчим хоногоор өндгөн эс нөөцлөгддөг байна.
Гэвч цэвэршилт нь ганц өндгөн эсийн тооноос хамаарахгүй олон хүчин зүйлсээс хамаарна. Тамхи татах хорт зуршил нь цэвэршилтийг хурдасгадаг. Цэвэршилт нь эрт, орой эхлэх нь удамшлаас шалтгаалах хандлагатай байдаг. Мөн өндгөвчийг мэс заслаар авах, өндгөвчийг гэмтээж болох хавдрын эсрэг эмчилгээ тухайлбал, химийн эмчилгээ, туяа эмчилгээ хийлгэснээр гэнэт цэвэрших магадлалтай.
0
0
0
0
0
0
0
0
