
Эдди Мерфи гэх төдийд л инээд чинь хүрч байж магадгүй. Тиймээ энэ бол дэлхий нийтэд алдартай инээдмийн жүжигчин, дуучин, найруулагч, жүжигчин эрхэм билээ. Өдгөө тэрээр 64 нас зооглож буй агаад өнөөдөр түүний төрсөн өдөр тохиож буй. Түүний уран бүтээлүүдийг захаас дурьдвал Beverly Hills Cop, Trading Places, Daddy Day Care, Norbit, Dr.Doolittle зэрэг хит кинонд тоглосон. Тэрээр мөн Шрек цувралын Илжигний дууг оруулсан.
Арван таван настайгаасаа эхлэн тэрээр өөрийн бие даасан инээдмийн тоглолтоо хийж эхэлсэн бөгөөд 1980 оноос 1984 он хүртэл Saturday Night Live хамтлагт тоглож байсан. Түүний аав Чарльз Эдвард Мерфи бол Эддиг бага байхад нас барсан, инээдмийн жүжигчин, сонирхогч байсан. Түүний ах Чарли Мерфи ч гэсэн алдартай инээдмийн жүжигчин болжээ.
Тэрээр 1993-2006 онд Николь Мерфитэй гэрлэж, Белла Захра Мерфи хэмээх охинтой болжээ. Мөн 2006 онд Мел Б-тэй болзож байсан, тэд хамтдаа Ангел нэртэй охинтой болсон. Эдди Мерфи нь 2012 онд Пэйж Батчертэй болзож, 2018 онд сүй тавьсан. Тэд 2024 оны долдугаар сард гэрлэсэн ба нийт арван хүүхэдтэй. Тэрээр Пэйжээс хоёр хүүхэдтэй аж.