Т.Доржханд: “MCS”-ээс хандив ирсэн. Гэхдээ ХҮН хэний ч халаасанд ордоггүй
Forbes сэтгүүлийн 2025 оны Дэлхийн хамгийн чинээлэг хүмүүсийн жагсаалтанд багтсан хүмүүсийн 3/4 орчмыг нь 50-79 насныхан, 12 хувийг нь 50-иас доош насныхан эзэлж байгаа бол энэ удаагийн жагсаалтанд 30 ба түүнээс доош насны 21 залуу тэрбумтан багтжээ.
Эдгээр залуу тэрбумтнуудын хоёроос бусад нь хөрөнгө өвлөж авах замаар тэрбумтнуудын жагсаалтанд багтсан байна. Жишээ нь дэлхийн хамгийн залуу тэрбумтан 19 настай Йоханнес фон Баумбах нь ХБНГУ-ын эмийн Boehringer Ingelheim компанийг залгамжлагч аж. Тэрээр 23, 25 болон 27 настай ах эгч нарынхаа хамтаар тус бүр 5.4 тэрбум ам.долларын хөрөнгөтэйгээр Forbes сэтгүүлийн жагсаалтанд багтсан байна.
Залуу тэрбумтнуудын зөвхөн хоёр нь л өөрсдийн хөдөлмөрөөр дэлхийн хамгийн чинээлэг хүмүүсийн тоонд багтсан ба тэдний нэг нь 2 тэрбум ам.долларын хөрөнгөтэй АНУ-ын иргэн 28 настай Александр Ван юм. Тэрээр үүсгэн байгуулсан хиймэл оюун ухааны Scale AI компанийхаа ачаар 2021 онд дөнгөж 24 настайдаа дэлхийн хамгийн чинээлэг хүмүүсийн жагсаалтанд бичигдэж байжээ. Өнгөрсөн оны 5-р сард Scale AI компани 1 тэрбум ам.долларын санхүүжилтийг босгож, зах зээл дээр 13.8 тэрбум ам.доллараар үнэлэгдэх болсон юм. Forbes сэтгүүлд бичсэнээр Александр Ван Microsoft, General Motors, Meta зэрэг дэлхийн томоохон компаниудтай хамтран ажилладаг Scale AI компанийхаа 14 хувийг эзэмшдэг аж.
Forbes сэтгүүлийн жагсаалтанд багтсан хоёр дахь self-made тэрбумтан залуу нь Австрали улсын иргэн, 29 настай Эд Крэйвэн юм. 2.8 тэрбум ам.долларын хөрөнгөтэй тэрээр Бижан Техранигийн хамтаар Stake.com онлайн казиног үүсгэн байгуулжээ. АНУ, Их Британи болон Европын зарим орнуудад цахим мөрийтэй тоглоомыг хориглодог ч Эд Крэйвэний компани өнгөрсөн онд л гэхэд 4.7 тэрбум ам.долларын орлого олсон байна. Stake.com онлайн казино нь коронавирусын цар тахлын үеэр мөрийтэй тоглолтуудаа шууд дамжуулсанаар илүү алдартай болжээ. Stake.com компанийн мэдээлсэнээр олон улсын биткойн гүйлгээний 2-4 хувь нь тус компаниар дамжин явагддаг аж.
С.ЭНХЗАЯА
0
0
0
0
0
0
0
0
