Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Өчигдөр буюу нэгдүгээр сарын 12-ны өдөр Монголын Сагсан бөмбөгийн холбооноос зохион байгуулж буй дээд лигийн тэмцээний үеэр Бүх оддын тоглолт болсон. Тус тоглолтод урлаг, соёлын холимог оддын бүрдсэн тоглолтод гитарчин Д.Өлзий-Орших дасгалжуулагчтай хөх баг буюу "Powerade" баг 42-45 харьцаатай ногоон баг LookTV багийг хожиж ялалт байгуулав.
Ногоон багийг "Хурд" хамтлагийн ахлагч Д.Отгонбаяр дасгалжуулсан билээ.
МСБХ-ны Үндэсний Дээд Лигийн "Бүх Одод-24" Холимог Оддын тоглолтод Дундговь аймгийн Луус сумын харьяат аймгийн алдарт уяач Эрдэнээгийн Улаанхүү оролцов. Түүний талбайд гарч ирээд амжилттай гүйцэтгэсэн гурван онооны шидэлт нь "UG Arena"-д хуран чуулсан хөгжөөн дэмжигчдийг суудлаас нь өндөлзүүлж танхим дүүрэн уухайн дууг хадаалаа.
Тэрээр ногоон баг буюу Looktv багт маш сайн үүргийг нямбай нягт тоглолтоороо гүйцэтгэв.
Бүх оддын тоглолтод хэзээ сонгогдсоноо мэдсэн байсан бэ?
Алдарт уяач Э.Улаанхүү
Маш сайхан байна, баяртай байна. Гоё залуучуудтай нэг баг болоод үнэхээр сайхан цагийг өнгөрүүлж байна. Би сая Завханд явж байсан чинь утасдаад тэгээд мэдсэн.
Бэлтгэл сургуулилт танай багийнхан хэр байна вэ?
Алдарт уяач Э.Улаанхүү
Бэлтгэл ер нь хийгээгүй ээ.
Бага байхдаа тоглож байсан уу, сагсан бөмбөгийн спортоор ер нь хичээллэж байв уу?
Алдарт уяач Э.Улаанхүү
Би сургуульд байхдаа тоглодог байсан л даа. Тэрнээс хойш огт тоглоогүй.
Сая бас алсын зайны шидэлт хийгээд амжилттай орууллаа. Тэр үед яг шидэлт хийж байхдаа юу бодож шидсэн бэ?
Алдарт уяач Э.Улаанхүү
Өөр дамжуулах хүн байхгүй шидтэл азаар орчихгүй юу. Ямар үүрэгтэйгээ мэдэхгүй, ямар ч байсан тоглоод л дагаад гүйгээд байна. Одоо энэ Өлзийхүү эгч, тэгээд Бооёо ах, манай дасгалжуулагч нар байна. Тэгээд энэ сайхан ах эгч нарыгаа дагаад л.
Өнөөдөр Монголын нийт сагсан бөмбөгчдийн хувьд Улаанхүүгийн хувьд дараа дараагийн тоглолтууд дээр ямар тоглолт гаргах вэ?
Алдарт уяач Э.Улаанхүү
Ярьсан юм тоглолтын багийн тактик байгаа. Бас хамаагүй ярьж болохгүй.
Дээд лигийг үзэж байгаа юу, ер нь сагсан бөмбөгийн хэр сонирхож байна вэ?
Алдарт уяач Э.Улаанхүү
Миний хувьд үздэггүй.
Та сагсан бөмбөг сонирхогчиддоо зориулаад нэг гоё үг хэлнэ үү?
Алдарт уяач Э.Улаанхүү
Монголын нийт сагсан бөмбөг сонирхогч та бүхэндээ, нийт ард түмэндээ шинэ жилийн баярын мэнд хүргэе ээ. Шинэ ондоо эрүүл энх байж аз жаргалтай сайхан байгаарай л гэж хэлье.
Төр нь түвшин амгалан, ард түмэн нь эрүүл энх сайн сайхан байгаасай л гэж хүсье дээ.
Өөрийн тань хувьд түрүүн талбайд гараад шидэлтээ амжилттай гүйцэтгэлээ. Тэр үед хүмүүсийн алга ташилтыг аваад яг юу бодогдсон бэ?
Алдарт уяач Э.Улаанхүү
Энэ их ард түмний хайр ивээлийг хүртэж яваа минь өнөөдөр бас ард түмэнтэйгээ уулзаад нэг оройг сайхан өнгөрүүлж байна. Маш их гоё дотно сайхан санагдаж байна.
Хүүхэд насны хамгийн гоё дурсамжаа хуваалцана уу?
Алдарт уяач Э.Улаанхүү
Би чинь уяач хүн, хар багаасаа морь мал уяж өссөн. Ер нь морьтой холбоотой сайхан дурсамжууд байдаг л даа.
Сайхан сайхан дурсамжууд зөндөө л байдаг. Биеэ барих, тийм сандрал их, тэгээд өөрөөрөө байж чадахгүй л байна. Тийм л байна.
Өнгөрсөн жилийн наадмаас эхлэн од болсон, олон бүсгүйчүүд крашласан. Крашууддаа хандаж юу гэж хэлмээр байна? Удахгүй сар шинийн баяр болно сайхан мэндчилгээ дэвшүүлэхгүй юу?
Алдарт уяач Э.Улаанхүү
За тэгээд Хайртай шүү л гэж хэлье дээ. Монголын ард түмний нэгээхэн хэсэг байдаг та бүхэндээ баярлаж явдаг шүү гэж хэлмээр байна.
Ярилцсанд баярлалаа. Амжилт хүсье.
0
0
0
0
0
0
0
0
