Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Хүчтэй салхи, борооны улмаас Архангай аймагт цахилгааны шугам унаж, нийт 57 суманд цахилгаан тасраад байгаа талаар Эрчим хүчний яамнаас мэдээллээ. Уг мэдээлэлд:
Архангай аймгийн Хашаат сумын нутаг дэвсгэрт Хархорин сумаас 40 орчим км-т 110кВ-ын Хархорин А,Б цахилгаан дамжуулах агаарын шугамын 679-683 дугаар тулгуурууд 2023 оны наймдугаар сарын 13-ны 22:55 цагт унаж, аваарын нөхцөл байдал үүссэн.
Хүчтэй салхи, усархаг борооны нөлөөгөөр үүссэн тус гэмтлийг засварлахаар эхний ээлжийн бригадууд газар дээр нь очсон. Сэргээн босголтын ажилд Хангайн бүсийн салбараас дөрөв, Улаанбаатар салбараас нэг бригад тус тус ажиллаж байна.
Энэ тасралтаар 45,320 айл өрх, 5,256 аж ахуйн нэгж долоон аймгийн 57 сумын хэрэглэгчид цахилгаангүй болсон. Сэргээн босгох ажлыг гурав хоног буюу 72 цагийн дотор хэвийн ажиллагаанд оруулахаар ажиллаж байна.
Эх сурвалж: Эрчим Хүчний Яам
0
0
0
0
0
0
0
0
