Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Өнөөдрөөс эхлэн нөхцөл байдал сайжрах хүртэл тодорхойгүй хугацаагаар зарим авто зам, замын байгууламжийг хаах тухай захирамжийг Нийслэлийн Засаг дарга бөгөөд Улаанбаатар хотын Захирагч Д.Сумъяабазар гаргалаа.
Үүнд,
- Баянзүрх дүүргийн 25 дугаар хорооны “Натур” худалдааны төвөөс “Нарны зам”-ын уулзвар хүртэл,
- “Баянмонгол” хорооллын нүхэн гарцаас “Хүннү”-гийн гудамж хүртэл,
- Хан-Уул дүүргийн 3 дугаар хороо, Энхтайвны өргөн чөлөөний нүхэн гарцаас “Нарны гүүр”-ний уулзвар хүртэлх;
- Сүхбаатар дүүргийн 1 дүгээр хороо, нийслэлийн “Өргөө” амаржих газрын уулзвараас мөн “Нарны зам”-ын уулзвар хүртэлх;
- Сэлбэ, Дунд гол дагуух авто замыг түр хугацаагаар хааж буйг нийслэлийн Засаг даргын Тамгын газрын хэвлэл мэдээлэл, олон нийттэй харилцах хэлтсээс мэдээлэв.
Мөн нийслэлийн нийтийн тээврийн үйлчилгээний 6 чиглэлийн 53 маршрутыг түр өөрчилж байна.
Үүнд,
- Ч:10-“Ганц худаг-Баянмонгол хороолол-ТЭЦ 3” чиглэлийг “Баян Монгол” хорооллоос “Хүннү”-гийн гудамжаар дайран өнгөрч Чингисийн өргөн чөлөө рүү нэвтрэх,
- Ч:32б-“Офицеруудын ордон-ТЭЦ 3” чиглэлийг “Баянмонгол” хорооллоос “Хүннү”-гийн гудамжаар дайран өнгөрч Чингисийн өргөн чөлөө рүү нэвтрэх,
- Ч:42-“Сүлжмэл-Нарны-Зайсан” чиглэлийг Чингисийн өргөн чөлөөгөөр баруун эргэж Зайсангийн гудамж руу нэвтрэх,
- Ч:56- “Архивийн ерөнхий газар – -Буянт Ухаа 2” хороолол – 120 мянгат” чиглэлийг Чингисийн өргөн чөлөөгөөр зүүн тийш зорчин “Хүннү”-гийн гудамж И-март дэлгүүрийн урд буцаж эргэх,
- Ч:61-“Офицеруудын ордон-МУБИС-120 мянгат-“Алтай хотхон” чиглэлийг Чингисийн өргөн чөлөөгөөр зорчин 120 мянгатын уулзвараар хойш эргэн Энхтайваны гүүр давах,
- Ч:71” “Дүнжингарав-“Баян Монгол” хороолол – “Хүннү 2222” – 120 мянгат – Төв цэнгэлдэх хүрээлэн” чиглэлийг “Хүннү”-гийн гудамжаар зорчуулан 120 мянгатын уулзвараар Академийн гудамж руу нэвтрүүлэн тойруулахаар зохицуулж буйг Нийслэлийн нийтийн тээврийн газраас мэдээллээ.
0
0
0
0
0
0
0
0
