Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Ерөнхийлөгчийн зарлигаар Монгол Улсын Гавьяат багш, доктор, профессор, ШУТИС-ийн “Хүндэт доктор” Дэндэвийн Бадарчид “Монгол Улсын Ардын багш” цол хүртээснийг УИХ-ын дарга Г.Занданшатар өчигдөр гардуулан өгч, баяр хүргэлээ.
Ардын багш Д.Бадарч нь их сургуулийн хөгжлийн чиг хандлага, бодлого, стратегийг боловсруулж, сургалтын агуулга, технологи, материаллаг бааз, менежментийн шинэчлэлийг амжилттай хэрэгжүүлж, дэлхийн дээд боловсролын сүлжээнд ШУТИС-ийг нэгтгэх ажлыг эхлүүлсэн чадварлаг менежер юм.
Монгол Улсаас НҮБ-ын Боловсрол, шинжлэх ухаан, соёлын байгууллага (ЮНЕСКО)-д сүүлийн 15 жил амжилттай ажиллаж олон улсын хэмжээнд боловсрол, шинжлэх ухаан, соёлыг хөгжүүлэх үйл хэрэгт үнэтэй хувь нэмэр оруулжээ.
ЮНЕСКО-д ажиллах хугацаандаа дэлхийн 30 гаруй улс орны сургалтын нээлттэй нөөцийн талаар туршлагыг нэгтгэн судалж, цуврал ном хэвлүүлж, мэдээллийн технологийг сургуулийн өмнөх, бага сургуулийн түвшинд нэвтрүүлэх асуудлаар 3 жилийн төсөл удирдаж, анхны МООС (Massive Open Online Course) боловсруулж хэрэгжүүлсэн нь АНУ-ын ерөнхийлөгчөөс багш нарын заавал үзэх 50 онлайн хичээлийн жагсаалтад багтсан байна.
Мөн уур амьсгалын асуудал ба ёс зүй чиглэлийн МООС хийх ажлыг удирдсан. Түүнчлэн ЮНЕСКО-гийн Засгийн газар хоорондын “Нийгмийн өөрчлөлтийн удирдлага” хөтөлбөрийн гүйцэтгэх нарийн бичгийн даргын үүргийг гүйцэтгэн Засгийн газар хоорондын комиссын хурлыг гардан зохион байгуулсан юм.
Эх сурвалж: БШУЯ
0
0
0
0
0
0
0
0
