Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Монголын Хөлбөмбөгийн Холбоо, Олон Улсын Хөлбөмбөгийн Холбоотой хамтран хэрэгжүүлж буй Улаанбаатар хотын сургуулиудын хөлбөмбөгийн талбайг сэргээн засварлах төсөл амжилттай хэрэгжиж тус төслийн хүрээнд сонгогдсон Нийслэлийн 24-р сургуулийн талбайг сэргээн засварлаж, гэрэлтүүлэг босгох ажил амжилттай өрнөж ашиглалтад орлоо.
Чингэлтэй Дүүргийн Засаг Даргын Тамгын газар, Монголын Хөлбөмбөгийн Холбоо, Чингэлтэй дүүргийн “Дөчин мянгат Юнайтед Клуб” гэсэн гурван газрын хамтын хүчээр олон улсын аюулгүйн шаардлагад нийцсэн хүүхэд багачуудын тоглох талбай нэгээр нэмэгдлээ.
Тус нээлтийн арга хэмжээнд Монгол Улсын Их Хурлын гишүүн, Улсын Их Хурал дахь МАН-ын бүлгийн Дэд дарга Ж.Сүхбаатар, Монгол Улсын Их Хурлын гишүүн, МУИХ-ын Нийгмийн бодлогын байнгын хорооны дарга М.Оюунчимэг, Чингэлтэй дүүргийн Иргэдийн Төлөөлөгчдийн Хурлын дарга Б.Мөнхбат, Нийслэлийн Иргэдийн Төлөөлөгчдийн Хурлын Төлөөлөгч, Чингэлтэй дүүргийн Засаг дарга Н.Батсүмбэрэл, Нийслэлийн Иргэдийн Төлөөлөгчдийн Хурлын Төлөөлөгч Б.Мөнхбат, Монголын Хөлбөмбөгийн Холбооны ерөнхийлөгч А.Ганбаатар, Монголын Хөлбөмбөгийн Холбооны нарийн бичгийн дарга Д.Тэрбаатар, Биеийн тамир Спортын Улсын Хорооны Спорт бодлого, төлөвлөлтийн хэлтсийн дарга О.Баттулга, HBS ХХК-ийн Гүйцэтгэх захирал А.Баясгалан, “Дөчин мянгат Юнайтед Клуб”-ын Тэргүүн, Монголын Хөлбөмбөгийн холбооны зөвлөлийн гишүүн Б.Батзаяа, Чингэлтэй дүүргийн Иргэдийн Төлөөлөгчдийн Хурлын төлөөлөгчид, Чингэлтэй дүүргийн Хороодын Засаг дарга нар, Чингэлтэй дүүргийн ЕБС-ийн Захирлууд, Монголын Хөлбөмбөгийн 55+ Ахмадын баг, Чингэлтэй дүүргийн Засаг даргын Өсвөрийн шигшээ баг хүрэлцэн ирж оролцов.
Ийнхүү Монголын хүүхэд залуучуудын биеийн тамирын сургалт, секц болоод чөлөөт цагаа зөв боловсон өнгөрүүлэх нэгэн томоохон цогцолбор нийслэл хотноо нээлтээ хийлээ.
0
0
0
0
0
0
0
0
