Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
“The Books and Coffee Corner” номтой кофе шопоор зочиллоо. Энд ирснээр та дэлхийн сонгодог зохиолууд болон бестселлер номуудыг уншихаас гадна кофены хөөсөн дээр хүссэн зургаа хэвлүүлэн авах боломжтой юм.
Монголд анх удаа зурагтай кофе уух боломжийг бүрдүүлсэн энэ газар уран зохиол, хүний хөгжил, эрүүл мэндийн гээд бүх төрлийн ном байрлуулж, уншиж суух тайван тухтай орчинг бүрдүүлжээ.
“The Books and Coffee Corner”-ийн үүсгэн байгуулагчдын нэг Э.Мандалмаа
Манайх гурван долоо хоногийн өмнө нээсэн. Ийм үйлчилгээ нэвтрүүлэх санааг ковид гарахаас өмнө гаргасан ч үйл ажиллагаанууд хаагдаад байсан. Тиймээс хойшилсоор байгаад наймдугаар сарын эхээр нээсэн. Найзтайгаа хамтарч нээсэн. Манай найз бид хоёрын номын дэлгүүр нээх санаа давхацсан юм. Тиймээс хоёулаа зориглоод хийж эхэлсэн. Санаагаа хөгжүүлж байхдаа хажуугаар нь кофетой байвал гоё гэж бодсон. Бид хоёр хоёулаа кофе уух дуртай. Кофегоо хөгжүүлэх шинэлэг санаа хэрэгтэй учраас яаж ялгарах талаар бодсон. Манайх номын дэлгүүр учраас хүмүүс ном руу их анхаарах байх. Харин кофены булан руугаа хүмүүсийн анхаарлыг яаж анхаарал татах талаар судалгаа хийж үзэхэд кофе принтингийн үйлчилгээ дэлхийд алдартай болоод байгаа. Ялангуяа Японд их дэлгэрсэн. Энэ үйлчилгээнд хүмүүс их татагддаг. Хүн өөрийгөө харж уух, дуртай амьтнаа хэвлээд уух гээд янз бүрийн зургаа хэвлүүлж уух сонирхолтой байсан. Тиймээс бид хоёр судалж байгаад кофе принтер оруулж ирсэн. Энэ кофе принтерийн маань онцлог нь зүгээр нэг кофены хэвээр хийсэн биш фото зураг хэвлээд гаргачхаж байгаа юм.
Хүмүүс эхэндээ номыг маань сонирхож ирж байсан. Кофены буланг сайн мэдэхгүй. Орж ирэх тутамдаа мэддэг болоод одоо зорьж ирэх хүмүүс ихэсч байгаа. Заавал принтер гэхгүйгээр кофены маань амтыг нь таашаагаад ирэх хүмүүс маш их байдаг.
“Book and Coffee Swap” үйлчилгээг нэвтрүүлж байгаа. Энэ нь уншиж дууссан номоо дурын кофегоор сольж үлдээнэ. Тухайн үлдээсэн номыг авахыг хүссэн хүн нь кофены төлбөрийг төлөөд авах боломжтой. Ингэснээр танд ном бэлэглэсэн хүнийг та кофегоор дайлж байна гэсэн үг.
Мөн цаашид Артистуудыг дэмжих зорилгоор уран зураг, шавар шаазан эдлэлийг вэб сайтаар дамжуулан худалдаалахаар төлөвлөөд байна.
0
0
0
0
0
0
0
0
