Б.Жавхлан: Гадаад валютын улсын нөөц таван тэрбум ам.долларт хүрлээ
Оюу Толгойн төсөлд хийгдэж байсан хөндлөнгийн шинжээчдийн дүгнэлт гарчээ. Энэ дүгнэлтээр Оюу толгойн далд уурхайн бүтээн байгуулалтын зардал 1.4 тэрбум ам.доллараар хэтэрсэн нь "Рио Тинто" компанийн буруу менежментээс үүдэлтэй гэдгийг тогтоосон байна.
“Рио Тинто” компанийн зүгээс 2019 онд бүтээн байгуулалт үйл ажиллагааны зардал яагаад өсч байгаа тухай мэдээлэхдээ геологийн зарим тооцоолоогүй асуудлуудаас болсон гэж байсан юм. Үүн дотроо маш хатуу чулуулаг байгаа учраас үйл ажиллагаа нь тооцоолсон хэмжээнээс илүү зардал шаардаж байгаа гэж байв. Харин дээрх дүгнэлтээс үзэхэд Оюу Толгой төслийн үйл ажиллагааны зардал нь тэдний хэлж байсанчлан геологийн асуудлуудаас болоогүй гэдгийг тогтоожээ.
Энэ тухай мэдээллийг “Turquoise Hill Resources” компани өглөө. Нийтдээ 157 хуудас энэ дүгнэлтийг АНУ болон Их Британын хамтарсан баг гаргажээ. Дээрх дүгнэлтээр зардал хэтэрсэн, далд уурхайн ашиглалтад орох хугацаа хойшилсонд “төслийн менежментийн үйл явцтай холбоотой тодорхой асуудлуудыг” дэвшүүлсэн” гэж “Turquoise Hill” мэдээлжээ.
“Рио Тинто”-гийн зэсийн хамгийн том төсөл болох Оюу толгой уурхайн зардал нь 2016 онд тооцоолж байсан 5.3 тэрбум ам.доллараас энэ жил 6.75 тэрбум ам.долларт хүрч өсөөд байгаа. Энэ нь тэдний хамтрагч болох “Turquoise Hill”-тэй маргаан үүсгэхэд хүргээд байгаа юм.
“Рио Тинто” нь Оюу толгой уурхайн 66 хувийг эзэмшдэг “Turquoise Hill” компанийн 50.8 хувийг эзэмшдэг юм. Харин уурхайн үлдсэн хувийг Монгол Улсын Засгийн газар эзэмшдэг. Дээрх мэдээллийн дүгнэлтийн дараа “Рио тинто”-гийн зүгээс “Бид тайланг нарийвчлан судлаад Оюу толгойн Төлөөлөн удирдах зөвлөлтэй ярилцах болно” хэмээн хэлжээ.
"Рио Тинто" болон тэдний хамтрагчид Оюу толгой төслөөс 2020 он гэхэд зэсийн бүтээгдэхүүн гарна хэмээн тооцоолж байсан ч одоогийн байдлаар 2022 оны 10 сар хүртэл гарах боломжгүй болоод байгаа билээ. Энэ тухай "Төсөл төлөвлөсөн хугацаанаасаа хоцорч байгаа нь ихэнх хүмүүст ойлгомжтой болсон" гэж уг тайланд дурджээ. Энэхүү тайланг гаргахад Монголын засгийн газартай хамтран ажилласан бөгөөд ойролцоогоор нэг жил үргэлжилсэн. Мөн энэ тайланд Оюу толгой төслийн талаар нэгэн сонирхолтой баримтуудыг хөнджээ. Тодруулбал, Оюу толгойн газар доорх уурхайн соёлыг эрүүл бус гэж дүгнэсэн байна. Энэ нь газар доорх уурхайд ажиллаж байгаа багуудын хоорондын уялдаа холбоог сулруулах нөхцөл байдалд хүргэж байгааг онцолжээ. Гүний уурхайд байгаа ажилчид нэгнийгээ буруутгаж бүхий л алдааг нэгэн рүүгээ чихдэг байсан гэдгийг тайланд бичсэн байна.
0
0
0
0
0
0
0
0
