Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
“Эрдэнэт үйлдвэр” ТӨҮГ нийгмийн тусламж, дэмжлэгийн чиглэлээр идэвх санаачилгатай ажилласан хамт олон, хувь хүнийг жил бүр шалгаруулах зорилгоор цомын загварын уралдааныг ажилтнуудынхаа дунд зарлаж, шилдгийг шалгарууллаа. Энэхүү цомын шилдэг загварын эздийг долоон хүний бүрэлдэхүүнтэй ажлын хэсэг дүгнэн, шалгаруулсан байна. Уралдаанд нийт 12 бүтээл ирсэн бөгөөд үйлдвэрийн хэмжээнд ажиллагсдын санал асуулгыг анх удаа цахимаар авсан аж. Тус уралдааны тэргүүн байрт Механикийн хэлтсийн оношилгооны инженер Ц.Ууганбаяр, Засвар механикийн заводын инженер технологич Е.Жүзжасар нарын бүтээл шалгарлаа. Тэргүүн байрт шалгарсан инженерүүд цом, батламж, мөнгөн шагнал, “Сэлэнгэ” амралт аялал жуулчлалын цогцолборт амрах эрхийн бичгийн шагналаа өнөөдөр гардсан юм. Цомын алтлаг шар өнгөөр мандан бадрах нарыг бэлгэдсэн бол бөмбөрцгөөр хүн төрөлхтөн нэгэн дэлхийд амьдардаг тул бие биеэ дэмжин тусалж явъя гэсэн утга санааг илэрхийлсэн гэж зохиогчид ярилаа. Ийнхүү, Эрдэнэт үйлдвэр Хүний төлөө ажилласан хамт олон, хувь хүмүүсийг алдаршуулах эрхэм шагналтай болов.
0
0
0
0
0
0
0
0
