З.Мэндсайхан: Оюу толгойн ногдол ашгийг 2026 оны намраас авах боломж бүрдсэн
Гадаад харилцааны яамны Зөвшилцөл танхимд зохион байгуулагдаж буй “Төрийн албаны ёс зүйн тогтолцоо, түншлэл, хамтын ажиллагаа” уулзалтад Дундговь аймгийн Засаг дарга С.Мөнхчулуун “Ёс зүй, сахилга, хариуцлагын үнэлгээ, үр дүн” сэдвээр илтгэл тавьж, аймагт хэрэгжүүлж буй бодлого, сайн туршлагаа танилцууллаа.
Дундговь аймаг 2025 онд ил тод байдлын үнэлгээ, ёс зүй, сахилга, хариуцлагын үнэлгээгээр тус тус улсдаа тэргүүлж, төрийн байгууллагын шударга байдлын үнэлгээгээр 7 байр ахисан зэрэг бодит үр дүнд хүрсэн нь энэхүү уулзалтад туршлагаа хуваалцах үндэслэл болсон юм.
Засаг дарга С.Мөнхчулуун илтгэлдээ төрийн албаны ёс зүй нь зөвхөн хувь хүний зан төлөвийн асуудал бус, байгууллагын соёл, удирдлагын манлайлал, ил тод байдал, хариуцлагын тогтолцоонд тулгуурлан төлөвшдөг болохыг онцоллоо. Мөн төрийн албаны ёс зүйн эцсийн шалгуур нь иргэдийн төрдөө итгэх итгэл бөгөөд энэ итгэлийг зөвхөн шударга, ил тод, хариуцлагатай төрийн үйлчилгээ бий болгодог гэдгийг тэмдэглэж, Дундговь аймагт хэрэгжүүлсэн бодлого, үр дүн, сайн туршлагаа танилцуулав.
Уулзалтад төрийн байгууллагууд, олон улсын байгууллага, хөгжлийн түншүүд болон Монгол Улсад суугаа Элчин сайдын яамдын төлөөлөл оролцож, төрийн албаны ёс зүйн тогтолцоо, байгууллагын соёл, олон улсын сайн туршлага, хамтын ажиллагааны талаар санал солилцож байна.
Дундговь аймаг цаашид төрийн албаны ёс зүй, ил тод байдал, сахилга, хариуцлагыг бэхжүүлж, иргэдэд чиглэсэн төрийн үйлчилгээний чанар, үр нөлөөг тасралтгүй сайжруулах чиглэлээр ажилласаар байх болно.
0
0
0
0
0
0
0
0
