Ерөнхийлөгч У.Хүрэлсүх: Монгол адуучид бол адууны цогц өв соёлыг өвлөн тээгчид юм
УИХ-ын чуулганы өнөөдрийн нэгдсэн хуралдаан үрэлжилж байна.
Засгийн газраас өргөн барьсан “Гадаад зээлийн ашиглалт, үр ашгийг нэмэгдүүлэх тухай” хуулийн төслийг эцэслэн батлах санал хураалтыг явууллаа. Улмаар санал хураалтад оролцсон гишүүдийн 69.5 хувь нь дэмжсэн тул уг хуулийн төслийг эцэслэн баталлаа.
Уг хуулийн төслийг өмнө нь буюу өнгөрөгч 7 хоногт УИХ-аар хэлэлцэх эсэхийг шийдэхдээ гишүүпийн олонх дэмжээгүй тул санаачлагчид нь буцаасан байдаг. Гишүүд дэмжээгүй шалтгаань нь Улсын нэгдсэн төсвийн гадна дахин гадаад зээлээс бүрдэх төсвийг бий болгох гэж байна. Эдийн засагт хортой гэж тайлбарласан ч угтаа Хотын дарга асан Х.Нямбаатарын “20 минутын хот” гэх гол концепц болох сэлбэ дэд төв байгуулах төслийг зогсоох зорилготой байсан нь эцэстээ харагдсан. Тиймээс Засгийн газар энэ 7 хоногт төслөө яаран боловсруулж, Сэлбэ дэд төвийн төслийг хасаж, Эрдэнэбүрэнгийн УЦС, Алтан ширээ дэх Газрын тос боловсруулах үйлдвэрийн төслийг үлдээж хуулийн төслөө яаралтай горимоор хэлэлцүүлэхээр УИХ-ын даргад өргөн барьсан нь ийнхүү өнөөдөр “улаан гэрлээр” батлагдаж буй юм.
Эрдэнэбүрэнгийн УЦС ашиглалтад орсноор:
• Баруун бүс буюу Баян-Өлгий, Говь-Алтай, Завхан, Увс, Ховд аймгийг 100% дотоодын эрчим хүчээр хангах бөгөөд ОХУ, БНХАУ-аас импортоор авах эрчим хүчний зардлыг жил бүр 18-20 тэрбум төгрөгөөр хэмнэнэ
• Баруун бүсэд ойрын жилүүдэд байгуулагдах ганга, нефть, уул уурхайн ордууд, цемент, мах, арьс шир боловсруулах үйлдвэрүүдийг цахилгаан эрчим хүчээр хангах боломж бүрдэнэ
• УЦС-ын барилга угсралтын ажлын үед 800-1000 хүн түр ажлын байр, ашиглалтад орсны дараа 60-80 байнгын ажлын байр шинээр бий болно
• Дотоодын найдвартай эх үүсвэртэй болсноор аж ахуйн нэгжүүд бизнес өргөжүүлэх боломжтой бүрдэж, бүс нутгийн эдийн засгийн өсөлтийг дэмжинэ
• Усан санд ихээхэн ус хуримтлагдсанаар орчны агаарын чийгшил нэмэгдэж орон нутгийн уур амьсгал, бэлчээрт эерэг нөлөө үзүүлнэ, мөн сэргээгдэх эрчим хүчний томоохон эх үүсвэр болж, хүлэмжийн хийн ялгарлыг жилд 330 мянган тонноор бууруулна.
0
0
0
0
0
0
0
0
