“Сэлбэ” шиг дэд төвүүд нийслэл хотод ус агаар мэт хэрэгтэй юу
Монголын оюутны спортын наадам 1 сар гаруй хугацаанд зуны спортын 14 төрөл, өвлийн спортын 1 төрлөөр медалийн эздээ тодрууллаа
Оюутан тамирчид хурд хүч, авхаалж самбаа, ур чадвараа сорин өрсөлдөж, ийнхүү үндэсний аваргуудаа баяртайгаар өлгийдөн авсан төдийгүй их спортоор амьсгалсан бүтэн 1 сар гаруй хугацаа байв.
Наадмын нэгтгэсэн дүн мэдээллийг хүргэе
Биеийн тамир, спортын тухай хуулийн 11.1.1, 11.1.9 ба 25.1, 25.2 дах заалт, Монгол Улсын Засгийн газрын 2018 оны 183 дугаар тогтоолын дагуу “Монголын оюутны спортын наадам” нь хоёр жил тутамд зохион байгуулагддаг юм.
Монголын оюутны спортын VII наадам нь энэ удаа 2026 оны 03 дугаар сарын 06-наас 05 дугаар сарын 08-нд спортын 14 төрлөөр (өвлийн спортын 1, зуны спортын 13 төрөл) амжилттай зохион байгуулагдаж, 633 багц медалийн төлөө өрсөлдөв.
Наадамд 30 их, дээд сургуулийн шилдэг 2,319 оюутан тамирчид (үүнээс 1027 эмэгтэй, 1292 эрэгтэй), 576 багш дасгалжуулагч, 230 гаруй шүүгч, зохион байгуулагч, сайн дурын ажилтан, оюутнууд нийтдээ 3,126 төлөөлөгчид оролцон шигшээ шатанд хурд, хүч, авхаалж самбаа, ур чадвараа сорин өрсөлдөв. Харин их, дээд сургуулиуд дээр явагдсан анхан шатны сонгон шалгаруулах тэмцээн, наадамд 10,000 орчим оюутан тамирчид хамрагдсан байна. Наадам нь спортын 16 танхим, заал, талбайд явагджээ.
Наадмын хаалтын ёслолын үйл ажиллагаа 2026 оны 05 дугаар сарын 8-ны өдөр “Түмэн Эх” Чуулгын байранд болж, шагналын ёслолын болон соёл урлагийн арга хэмжээ явагдаж, олон уран бүтээлчид оролцлоо. Ёслолд Соёл, спорт, аялал жуулчлал, залуучуудын яамны Биеийн тамир спорт, залуучуудын бодлого зохицуулалтын газрын дарга Д.Жаргалсайхан, Бодлого төлөвлөлтийн газрын дарга Б.Урьболд, Боловсролын яамны төлөөлөгч нар, БТСУХ-ны хэлтсийн дарга Ж.Баасансүрэн, Зохион байгуулах хорооны гишүүд, Монголын оюутны спортын холбооны Удирдах зөвлөлийн гишүүд, шагнал гардан авсан 6-н их, дээд сургуулийн ректор, захирлууд, спортын 14 холбоодын төлөөлөгч нар, багш, шилдэг оюутан тамирчид бусад албаны хүмүүс оролцов.
Наадамд оролцсон их, дээд сургуулиудын баг тамирчдыг бага онооны системээр үнэлэн байгууллагын нэгдсэн дүн гаргахад доорх 6 сургууль эхний шагналт байрт шалгарсан байна.
Үүнд:
- МУИС 52 оноогоор тэргүүлсэн бол
- Мон-Алтиус ДС 55 оноогоор
- МУБИС 71 оноогоор
- АШУҮИС 107 оноо
- ДХИС 110 оноо (медалийн чанараар)
- ҮБХИС 110 оноо шалгарсан бна.
Эдгээр 6 сургуульд наадмын хүндэт өргөмжлөл, цом, медаль гардуулсан ба Монголын оюутны спортын холбооноос тусгайлан мөнгөн шагналын урамшуулал олгожээ.
Түүнчлэн ХААИС, Этүгэн ИС-ийн баг тамирчид наадмын бүх төрөлд баг тамирчдаа оролцуулсан байна. Наадмын үеэр амжилттай ажилласан сэтгүүлч нар, эмнэлгийн болон сайн дурын ажилтан, цана, таеквондо, хөнгөн атлетикийн спортын холбоодын удирдлагад Монголын оюутны спортын холбооноос өргөмжлөл, тусгай шагнал гардуулжээ.
Монголын оюутны спортын VII Универсиад наадмыг зохион байгуулахад Монгол Улсын Засгийн газар, Соёл, Спорт, Аялал, Жуулчлал, Залуучуудын яам, Боловсролын яам, Биеийн Тамир, Спортын Улсын Хороо, Монголын Оюутны Спортын Холбоо, Монголын спортын холбоодын удирдлага, хамт олон идэвх чармайлт гарган ажилласанд оюутан тамирчид, наадамд оролцсон багш, дасгалжуулагч нар гүн талархалаа илэрхийлсэн байна.
Энэхүү Оюутны спортын VII наадам нь оролцсон тамирчдын тоо, зохиогдсон спортын төрлөөрөө өмнөх наадмуудаас өссөн тооцоолол гарсан ба их, дээд сургуулиудын оюутан тамирчдын өрсөлдөөн ихээхэн өндөр түвшинд явагдаж, наадмаас олон шилдэг залуу тамирчдыг төрөн гаргасан байна. Түүнчлэн энэ наадам нь оюутан залуучуудын оролцоог нэмэгдүүлж, тэдний чөлөөт цагийг спортоор хичээлэн үр дүнтэй өнгөрүүлэх, гадаадад боло тив, дэлхийн оюутны тэмцээн, наадамд олон шилдэг тамирчдыг шалгаруулан эрхийг олгосноороо чухал онцлогтой арга хэмжээ болж өндөрлөсөн юм.
“Түмэн эх чуулга”-ын байранд явагдсан уг наадмын хаалтын үйл ажиллагааны ёслолын тайзнаа Дуучин Б.Анужин ая дуугаа өргөсөн юм. Мөн “Түмэн эх чуулга”-ын уран бүтээлчид Монгол өв уламжлал, онцгой соёлыг тээж яваа урлагиийн үзүүлбэр, тоглолтууд хүндэт зочид, төлөөлөгч, оюутан тамирчдад толилуулсан нь гоёмсог байлаа.
0
0
0
0
0
0
0
0
