Даамын Ази тивийн багийн тэмцээнээс Монголчууд мөнгөн медаль зүүлээ

Японы Токио хотод болж буй даамын Ази тивийн багийн аварга шалгаруулах тэмцээний блиц буюу түргэн тоглолтод Монголын баг мөнгөн медаль хүртэв.

Монгол Улсын баг Тайвань, Макао, Хонгконг, Японы I болон II шигшээ багийг хожин аваргын төлөөх тоглолтод БНХАУ-д багт ялагдлаа. Энэ ангилалд Хонгконгийн баг хүрэл медалийг хүртжээ. Энэ удаагийн Ази тивийн багийн аварга шалгаруулах тэмцээнд эх орноо төлөөлөн “Ирээдүй”, “Алтан хүү” клуб болон Архангай аймгийн төлөөлөл багтжээ.

• 1-р ширээ – ОУИМ Ц.Сүхбат (БГД, “Ирээдүй” даамын академи)

• 2-р ширээ – ДДХМ Э.Даариймаа (СБД, “Алтан хүү” клуб)

• 3-р ширээ – Спортын мастер Н.Хангай (БГД, “Ирээдүй” даамын академи)

• 4-р ширээ – Спортын мастер Б.Эрмүүнзаяа (Архангай аймаг, “Даам Месси” клуб)