Шинжлэх ухааны салбарын эрдэмтэн судлаачдаас бүрдсэн зөвлөл байгууллаа
2025 оны эхний хагас жилийн байдлаар улсын хэмжээнд нийт 26,706 гэмт хэрэг бүртгэгдэж, өмнөх оны мөн үеэс 6,199 буюу 30.2 хувиар өссөн болохыг Үндэсний статистикийн хорооны мэдээлэл харууллаа.
Гэмт хэргийн тоо ийнхүү эрс нэмэгдэхэд өмчлөх эрхийн эсрэг гэмт хэрэг 4,541 (37.0%), мөн хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг 954 (75.8%)-өөр нэмэгдсэн нь голлон нөлөөлсөн байна.
Гэмт хэргийн хохирогч ба нас баралт
2025 оны эхний хагас жилд нийт 24,592 хүн гэмт хэргийн улмаас хохирсон байна. Үүнээс:
- 1,409 нь 18 хүртэлх насны хүүхэд,
- 11,341 буюу 46.1% нь эмэгтэйчүүд байжээ.
5,680 хүн гэмтэж, 567 хүн нас барсан нь өмнөх оны мөн үеэс:
- Гэмтсэн хүний тоо 431 (8.2%)-аар,
- Нас барсан хүний тоо 89 (18.6%)-аар тус тус өссөн дүнтэй гарчээ.
Согтуугаар үйлдэгдсэн болон гэр бүлийн хүчирхийлэл:
- Согтуугаар үйлдэгдсэн гэмт хэрэг 3,520 болж, 8.7%-иар нэмэгдсэн бол,
- Гэр бүлийн хүчирхийллийн улмаас 834 гэмт хэрэг бүртгэгдсэн бөгөөд энэ нь өмнөх оны мөн үеэс 8.9%-иар өссөн үзүүлэлт юм.
- Харин гэр бүлийн хүчирхийллийн зөрчил 5.2%-иар, шийдвэрлэгдсэн зөрчил 24.9%-иар тус тус буурсан байна.
Хохирлын дүн
2025 оны эхний зургаан сарын байдлаар:
- Гэмт хэргийн улмаас учирсан хохирол 398.2 тэрбум төгрөгт хүрсэн нь өмнөх оны мөн үеэс 107.5 тэрбум төгрөгөөр (37.0%) өссөн.
- Нөхөн төлүүлсэн хохирлын хэмжээ 127.8 тэрбум төгрөг болж, 38.7 тэрбум төгрөгөөр (43.5%) нэмэгджээ.
Яллагдагчдын бүтэц:
- Нийт 11,798 хүн гэмт хэрэгт холбогдсон нь өмнөх оны мөн үеэс 13.1%-иар өссөн үзүүлэлт юм.
- Үүнээс 689 нь 18 хүртэлх насны хүүхэд,
- 1,325 буюу 11.2% нь эмэгтэйчүүд байна.
Авлигын гэмт хэрэг буурчээ
Авлигатай тэмцэх газрын Мөрдөн шалгах хэлтэст 2025 оны эхний хагас жилд 319 авлигын хэрэг бүртгэгдсэн нь өмнөх оны мөн үеэс 57 хэргээр (15.2%) буурсан байна. Бууралт нь дараах төрлийн хэргүүдийн багасалтад хамаарав:
- Эрх мэдэл, албан тушаалын байдлаа урвуулан ашиглах гэмт хэрэг – 14.5%-иар
- Хахууль авах гэмт хэрэг – 38.9%-иар тус тус буурсан байна.
Хүүхэд, эмэгтэйчүүд, эмзэг бүлгийн оролцоо:
- Эмэгтэй хүн оролцсон хэрэг 11.7%-иар буурч, 2,396 болжээ
- Хүүхэд оролцсон гэмт хэрэг 497 болж, 15.5%-иар буурсан
- Мөн мансуурсан үед үйлдсэн гэмт хэрэг 113, бүлэглэн үйлдсэн хэрэг 727 байна.
Эмнэлэг, цагдаа, нийгмийн үйлчилгээний ачаалал нэмэгдэж байна
- 2025 оны эхний хагас жилд 6,200 хүн эрүүлжүүлэгдэж, 4,400 хүн баривчлагдсан нь өмнөх оноос эрүүлжүүлэгдсэн хүмүүс 65%-иар өсч, харин баривчлагдсан хүмүүс 33.9%-иар буурсан үзүүлэлттэй байна.
Эх сурвалж:
Үндэсний статистикийн хороо, Цагдаагийн ерөнхий газар, Авлигатай тэмцэх газар
www.1212.mn
0
0
0
0
0
0
0
0
