“Single’s Inferno-4” шоуны xалууxан оролцогч И Ши Ан шүүxэд дуудагдав
Монголын ард түмний дунд “Xээгүй Ерөнхийлөгч” xэмээн алдаршсан, Монгол Улсын анхны Ерөнхийлөгч Пунсалмаагийн Очирбат 2025 оны нэгдүгээр сарын 17-ны өдөр тэнгэрт xальж, Монголын ард түмэнд нөxөж баршгүй хүнд гарз тохиолоо.
Пунсалмаагийн Очирбат нь 1942 оны нэгдүгээр сарын 23-нд Завхан аймгийн Түдэвтэй сумын Бунхантын хэмээх газар төрсөн.
Тэрбээр Аж үйлдвэрийн яаманд мэргэжилтэн, Шарын голын уурхайд ерөнхий инженер, Түлш, эрчим хүчний үйлдвэр, геологийн яамны орлогч сайд, Түлш, эрчим хүчний яамны сайд, Гадаад эдийн засгийн талаар харилцах Улсын хорооны дарга, Эдийн засгийн гадаад харилцаа, хангамжийн яамны сайд, БНМАУ-ын Ардын Их Хурлын Тэргүүлэгчдийн даргын алба хашиж байсан бөгөөд 1990 оны есдүгээр сараас 1992 оны хоёрдугаар сар хүртэлх хугацаанд БНМАУ-ын Ерөнхийлөгч, Монгол Улсын Үндсэн хуулийн хавсралт хуулийн 2-р зүйлд заасны дагуу 1992 оны 2 дугаар сараас 1993 онд Монгол Улсын анхны Ерөнхийлөгч, 1993-1997 онд Монгол Улсын Ерөнхийлөгчөөр улиран сонгогдон ажилласан Монголын улс төр, нийгмийн нэрт зүтгэлтэн байлаа.
Ерөнхийлөгчөөр ажиллаж байх 1992-1997 оны хугацаанд Монгол Улсын нутаг дэвсгэрийг цөмийн зэвсгээс ангид бүс болгох тухай НҮБ-ын Ерөнхий Ассамблейн 47 дугаар чуулганд зарлан мэдэгдсэнийг баталгаажуулж, энэ саналыг цөмийн зэвсэгтэй, НҮБ-ын Аюулгүй Зөвлөлийн байнгын гишүүн гүрнүүд дэмжиж, манай статусыг хүндэтгэхээ албан ёсоор илэрхийлсэн нь Монгол Улсын хувьд аюулгүй байдлаа улс төрийн аргаар бататгах чухал алхам болсон юм.
Талийгаачийн хүнлэг энэрэнгүй зан чанар, эгэл даруу гэгээн дүр Монголын түүх, ард түмний сэтгэл зүрхэнд үүрд хоногшин үлдэж, мөнхөд дурсагдах болно.
0
0
0
0
0
1
0
0
Үхсэний нөхөж баршгүй гарз вээ, Монголчуудад нөхөж баршгүй гай удчаад үхэж далдарч байгаа шуналтай өвгөн шүү дээ..
Ум ма ни бад мэ хум