Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Энэ сарын 22-нд Нийслэлийн Засаг даргын зөвлөлийн хурал болсон. Энэ үеэр хотын дарга Х.Нямбаатар иргэдэд муу мэдээ дуулгав. Тэрээр, "Энэ жил эрчим хүчний дутагдаж байгаа хэрэгцээгээ сөөлжилж, ид хүйтний ард гарах гэж байх шиг байна.
Ирэх гуравдугаар сард цаг агаар ямар байхыг хэлж мэдэхгүй. Хятадын нэг мужид өнгөрсөн долоо хоногт 1.8 хэм дулаан байж байгаад хоёр хоногийн дараа 52 хэм хүрч хүйтэрлээ. Энэ бол байгалийн онцгой үзэгдэл. Манайд ч гэсэн энэ үзэгдэл ажиглагдаж байна. Биднийг хүүхэд байхад гуравдугаар сард шалдан нүцгэн хичээлийн формтойгоо гүйдэг байсан" гэв.
ИРЭХ ЖИЛ 50, 50 ХУВИЙН ХЯЗГААРЛАЛТ ХИЙХ БАЙДАЛТАЙ БАЙНА
Цаг уурын байгууллага гуравдугаар сарын цаг агаарыг урьдчилан тооцоход бэрх байна гэдгийг хэлж байгаа. Ирэх оны өвлийн улиралд эрчим хүчний хүндрэлтэй нүүр тулна. Магадгүй ирэх жил 50, 50 хувийн хязгаарлалт хийх байдалтай байна. Бидэнд өгсөн холболтын зөвшөөрөл, гэр хорооллын айлууд цахилгаан зуух руу шилжиж байгааг харахад ийм нөхцөл байдал руу явлаа. Би удахгүй Засгийн газрын хуралдаанд энэ мэдээллийг танилцуулахаар бэлтгэж байна.
Хэрэв бид ирэх гурав, дөрөвдүгээр сард яаралтай экстрим шийдвэр гаргаж, эрчим хүчний хангамжийн чиглэлээр аравдугаар сараас өмнө шинэ эх үүсвэрүүдийг шийдэж чадахгүй бол том бүтээн байгуулалт болон бусад ажлыг хийж чадахгүй. Энэ талаарх төлөвлөгөөг танилцуулахаар бэлдэж байна. Дулаан хангамжийн хувьд, яаралтай дөрвөн станцыг барих шаардлагатай. Одоогийн байдлаар хөрөнгөө батлуулж, газрынхаа асуудлыг хэлэлцэж байна. Энэ дөрвөн станцыг богино хугацаанд байгуулж, төвийн дулаан хангамжийг дэмжихгүй бол ирэх жил хөлдөнө. Цаана нь нэн яаралтай барих дахин дөрвөн эх үүсвэр байгаа" гэдгийг онцлов.
МЕТРОТОЙ БОЛОХ АСУУДАЛ ДАХИН ҮЛГЭР БОЛОХ УУ
Засгийн газар өнгөрсөн онд метро байгуулах шийдвэр гаргаж, 2028 онд ашиглалтад оруулахаар цаг хугацааг тодорхойлсон ч эрдэмтэн судлаачдын зүгээс “цахилгааны эх үүсвэрээ шийдвэрлээгүй цагт Улаанбаатар хотод метро байгуулах боломжгүй” гэж мэдэгдсэн юм.
Харин Нийслэлийн Засаг дарга Х.Нямбаатар НИТХ-ын хурлын үеэр ирэх өвөл Улаанбаатар хотын хэмжээнд эрчим хүч хязгаарлахаас аргагүй нөхцөл байдал үүссэнийг сануулсан нь метро байгуулах төлөвлөгөө дахин мянгуужингийн үлгэр болж буйг харуулах шиг.
2024 оны төсөвт тодотгол хийх хүрээнд метроны зөвлөх үйлчилгээнд шаардлагатай 54.6 тэрбум төгрөгийг тусгаж буй. Энэ төслийг хэрэгжүүлэхэд нийт 566 тэрбум төгрөг зарцуулах юм.
0
0
0
0
0
0
0
0
