Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Засгийн газрын өнөөдрийн хуралдаанаар малын тэжээлийн нийлүүлэлтийг тогтворжуулж, нэмэгдүүлэх хүрээнд хивэг, тэжээлийн экспортыг 2024 оныг дуустал зогсоохоор шийдвэрлэлээ.
Баруун аймгуудад сая томилолтоор ажиллах явцад тээврийн зардлаас шалтгаалж гурил, малын тэжээл, шатахууны үнэ өндөр, олдоц хомс байгаа тул орон нутгийн боомтоор гурил, тэжээл, шатахуун импортлох боломжийг бүрдүүлэх, мөн гурил, тэжээлийн гаалийн татварыг хөнгөлж, чөлөөлөх хүсэлтийг аймаг, орон нутгийн онцгой комиссоос уламжилж байсан юм. Тэгвэл өнөөдрийн Засгийн газрын хуралдаанаар улсын хил дагуу орших аймаг, сумдад өргөн хэрэглээний хүнс, гурил, тэжээл, бензин, шатахууныг тухайн бүс нутагт байрлах улсын хилийн боомтоор шуурхай нийлүүлэх боломжийг судалж, шийдвэрлэн хэрэгжилтэд хяналт тавьж ажиллахыг холбогдох яамд, Гаалийн ерөнхий газар, аймгийн удирдлагуудад даалгалаа.
Улсын хэмжээнд өвөлжилтийн нөхцөл байдал хүндэрсэнтэй холбогдуулан малчдын бэлтгэсэн махыг зах зээлийн эргэлтэд оруулах зорилгоор мах бэлтгэх аж ахуйн нэгжид 100 тэрбум хүртэлх төгрөгийн зээл олгоход шаардагдах хөрөнгийг арилжааны банкны эх үүсвэрээр санхүүжүүлэх, малын хивэг, тэжээлийг 50 хувь хөнгөлөлттэй үнээр нийлүүлэх асуудлыг Засгийн газраас шийдвэрлэн, аймаг, орон нутгийн түвшинд хэрэгжилтийг ханган ажиллаж байна.
0
0
0
0
0
0
0
0
