Монгол Улсын арслан М.Мөнгөн агсаны нэрэмжит xүчит бөxийн барилдаан болно
Монголын Хөлбөмбөгийн Бэлтгэлийн төв нь Төв аймаг, Сэргэлэн сум, 4-р баг, Баруун Дэлгэрийн аманд байрлах 5000мкв талбай бүхий өөрийн эзэмшлийн газартаа 1000мкв бүхий хоёр давхар барилгыг барьж халаалт, хэрэглээний халуун усыг 100 хувь байгальд ээлтэй байдлаар шийдвэрлэж өгсөн.
Энэхүү бүтээн байгуулалт нь 2021 оны зургаадугаар сард анх ашиглалтад орсон билээ. Тус бүтээн байгуулалт нь Азийн хөлбөмбөгийн холбоо мөн ОУХБХ-ны санхүүжилтээр баригджээ. Энэ нь Монголын хөлбөмбөгийн ирээдүйд чухал хувь нэмрээ оруулсан бодит бүтээн байгуулалт болж чадсан нь үнэлэгдэж "Бөртэ чоно 2023" МҮОХ-ны тэргүүн дээд шагналд "Шилдэг бүтээн байгуулалт"-аар нэрлэгдэв.
Уг арга хэмжээний үеэр Монголын Хөлбөмбөгийн Холбооны удирдлагуудын төлөөллөөс ярилцлага авлаа.
Юуны өмнө "Шилдэг бүтээн байгуулалт"-аар нэрлэгдэж "Бөртэ чоно"-ын эзэн болсонд баяр хүргэе. Сэтгэгдлээсээ хуваалцана уу?
МХБХ-ны ерөнхийлөгч М.Болд
Баярлалаа. Монголын хөлбөмбөгийн холбоо бол ОУХБХ-ны дэмжлэгтэйгээр хэд хэдэн төслүүдийг хэрэгжүүлж байгаа. Үүний нэг гол төсөл нь бол "AirDom" төсөл маань 2016 оноос үе шаттайгаар хэрэгжээд 2023 онд бид бүхэн төслийнхөө гүйцэтгэлийг хийж дуусгаж байна. Тэгээд ялангуяа багийн спортыг түгээн дэлгэрүүлэх, тэр дундаа байгалийн цаг уурын дөрвөн улиралтай манай Монголын ийм нөхцөлд өвлийн цагт тамирчид бэлтгэл сургуулилтаа хийх, манай Хөлбөмбөгийн холбооны үндэсний шигшээ багууд болон бусад лигийн багийн бусад тамирчид маань бэлтгэл хийх ийм боломжийг бий болгож байгаа. Тэрүүгээрээ их онцлогтой. Ер нь бол 2016 оноос хэд хэдэн үе шаттайгаар "бүтээн байгуулалт" хийгдээд 2023 ондоо бид бүхэн бүтээн байгуулалтаа өндөрлөж байна.
Монголын хөлбөмбөгийн холбооны үйл ажиллагаа хариуцсан захирал Ш.Отгон-Өлзий
Энэ төв маань баригдаагүй байхад Монголын хөлбөмбөгчид, шигшээ багийн тамирчид бол бэлтгэл сургуулилтаа хийнэ гээд өөр Азийн улс орнууд руу нэг групп гарахад л 30-40 хүн гардаг. Тэр хүмүүс ийн онгоцны зардал, хоол хүнс, зочид буудал гээд маш олон их төсөв зарцуулагддаг байсан. Тэр төсвийг ингээд Монгол улсдаа үлдээж чадсанаараа Монголын Хөлбөмбөгийн Холбоо төсвөө хэмнэж чадаж байгаа тийм шийдэл болж өгсөн. Мөн төсвөө хэмнэхээсээ илүүтэйгээр Азийн бусад шигшээ багийн тамирчид манай улсад энэ төв дээр хүрч ирээд байрлан бэлтгэл хийгээд европ руу очиж тоглох тэр дундын бүс нь болж чадсандаа Азидаа бол Монгол улсдаа номер нэг бүтээн байгуулалт болж чадсан.
Монголын хөлбөмбөгийн бэлтгэлийн төвийн дотоод зохион байгуулалтыг сонирхож байна. Хамгийн онцлогтой нь нэг ширхэг ч багана байхгүйгээр агаараар хийлдгээрээ сонирхол татсан?
Монголын хөлбөмбөгийн холбооны үйл ажиллагаа хариуцсан захирал Ш.Отгон-Өлзий
Энийг одоо энгийн үгээр хэлэх юм бол урт нь 120метр, өргөн нь 80 метр, өндөр нь 27,5 буюу нийтдээ 9 давхар байшинтай тэнцэх хэмжээний тийм том 273 мянган метр куб агаараар ингэж хийлдэг ганц ч багана байхгүй тийм төв байгаа. Тэгээд энэ төв дээр бол зөвхөн хөлбөмбөгчид төдийгүй бусад хараагүй иргэд, бусад спортын төрлүүд гээд олимпын бүх төрлүүдийнхээ бэлтгэл сургуулилтыг нь хангаж Олон улсад өрсөлдөх чадварыг нь бол дэмжиж туслахад хөлбөмбөгийн холбоо дэмжлэг туслалцаа үзүүлж байгаа. Ингээд энэ 2023 ондоо хөлбөмбөгийн холбоо, хөлбөмбөгчид маань ийм “бүтээн байгуулалтаараа Бөртэ чоно” хүртсэндээ баяртай байна.
Монголын Хөлбөмбөгийн бэлтгэлийн төвийг дан ганц хөлбөмбөгийн талбай буюу Эйрдомоор төсөөлөмгүй бүтээн байгуулалт болсон. Үүнээс гадна зочид буудал, ресторан, сургалтын уулзалтын заал гээд бүтэн цогцолборыг дэргэд нь шийдвэрлэж өгч чадсан нь их онцгой болжээ. Ингэснээр тамирчид том тэмцээн уралдааны өмнө бэлтгэлийн төвийн дэргэдэх цогцолборт байрлан бэлтгэлээ хангахаас гадна өөр эвент арга хэмжээг хүлээн авах боломжтой гэсэн үг үү?
Монголын хөлбөмбөгийн холбооны үйл ажиллагаа хариуцсан захирал Ш.Отгон-Өлзий
Тийм. Бүтэн спорт цогцолбор бүтээн байгуулалтыг нэгэн дор шийдвэрлэж өгч чадсанаараа маш онцлогтой. Зочид буудал гэхэд л нэг удаадаа 70 хүртэлх хүнийг хүлээн авах хүчин чадал бүхий 11 өрөө, 70 ортой. Хамгийн гол нь үүнийг алсын зорилгоор, том дүр зургаар харж тамирчдыг дэмжих, тэдэнд ая тухтай орчин нөхцлийг бүрдүүлж өгч чадсан. Мөн үүнтэй уялдуулан дотоод тохижилтыг тамирчдад зориулан кемп маягаар тохижуулж өгсөн юм.
Эдгээрээс гадна ресторан, сургалт уулзалтын заалыг хүртэл шийдвэрлэж өгсөн. Жилийн 4 улиралд ашиглах боломжтой бэлтгэлийн төв буюу Эйрдомд хөлбөмбөгийн тэмцээн, шигшээ багуудын бэлтгэл, олныг хамарсан эвен арга хэмжээ, спортын бусад тэмцээн уралдааныг зохион байгуулах боломжтой.
Ярилцсанд баярлалаа. Та бүхний цаашдын ажилд амжилт хүсье.
0
0
0
0
0
0
0
0
