Монгол Улсын арслан М.Мөнгөн агсаны нэрэмжит xүчит бөxийн барилдаан болно
Аравдугаар сарын 28-ны өдөр Английн Шеффилд хотын Utilita Arena спорт цогцолборт болсон мөсний хоккейн лигийн тэмцээний үеэр Ноттингэм Пантерс багт тоглож байсан АНУ-ын тамирчин Адам Жонсон хүзүүгээ тэшүүрээр цавчуулсны улмаас амиа алдсан юм.
Тухайн үед Ноттингэм Пантерсын эсрэг тоглосон Шеффилд Стилерс багийн тамирчин Мэтт Петгрэйв өөр нэг тоглогчтой мөргөлдөж унахдаа зүүн хөлийн тэшүүрээрээ Жонсоны хүзүүг цохисон нь дэлхийн хоккейн ертөнцийг цочроосон эмгэнэлтэй осолд хүргэсэн юм. Өмсгөл нь цусанд хутгалдсан Жонсоныг даруй эмнэлэгт хүргэсэн ч удалгүй нас барсан.
Тэгвэл энэ ослын мөрөөр Английн цагдаагийн байгууллага хүн амины хэрэг үүсгэж, Мягмар гарагт нэг сэжигтнийг баривчилжээ. Хэргийг шалгаж байгаа Өмнөд Йоркширийн Цагдаагийн газар сэжигтний нэр, нас зэрэг мэдээллийг одоогоор нууцалж байна.
“Бид энэхүү эмгэнэлт явдлын дараа мөрдөн байцаалтыг шууд эхлүүлсэн. Урьд өмнө тохиолдож байгаагүй ийм хэргийн үнэн мөнийг тогтоохын тулд бид өргөн хүрээнд шалгаж байна” гэж мөрдөгчдийн ахлагч Бэкс Хорсфол ярьжээ.Гэхдээ ийм үйлдлээр хүний амь санаатай хөнөөсөн тохиолдол өмнө нь нэг удаа гарч, хоккейн тамирчин шийтгүүлж байсан юм байна. “Elite League”-ийг зохион байгуулдаг Английн Мөсний Хоккейн Холбоо энэхүү эмгэнэлт явдлын дараа 2024 оноос эхлэн бүх тамирчнаа хүзүүний хамгаалалттай тоглуулах шийдвэр гаргажээ.
Эх сурвалж: Associated Press
0
0
0
0
0
0
0
0
