Ч.Хантүмэн: Данс хаачихлаа, дарга нарыг мууллаа гээд ингэв үү
Хотын дарга асан Д.Сумъяабазар, Түгжрэлийн сайд асан Ж.Сүхбаатар, УИХ-ын гишүүн С.Одонтуяа нарыг ногоон автобусны хэрэгт яллагдагчаар татсан гэх мэдээлэл нь худал болохыг АТГ-аас хэлж байна.
Тодруулбал зарим хэвлэл мэдээллийн байгууллага дээр нэр дурдагдсан хүмүүсийг яллагдагчаар татсан гэх худал мэдээллийг олон нийтэд түгээн, төөрөгдүүлж буй юм.
Өнгөрсөн есдүгээр сард улсын төсвийн 318 тэрбум төгрөгөөр худалдан авсан БНСУ-ын “Daewoo” үйлдвэрийн ногоон автобусуудыг Улаанбаатар хотод оруулж ирсэн. Оруулж ирсэн цагаас эхлэн шинэ биш хуучин, 2023 онд биш 1993 онд үйлдвэрлэгдсэн, Вьетнамд засварт оруулсан бөгөөд арлын дугаар, оныг засварлаж бүртгүүлэн хуурамч бичиг баримт үйлдсэн гэх асуудал үүссэн нь үнэн болж, нэг бүрийг нь 400 орчим сая төгрөгөөр буюу шинэ автобусны үнээр хуучин автобус оруулж ирсэн нь нотлогдсон юм. Асуудлыг нотлох баримтууд ил болсноор Хотын дарга асан Д.Сумъяабазар, Түгжрэлийн сайд Ж.Сүхбаатар нар албан тушаалаасаа огцорсон нь саяхан. Олон нийт эрх мэдэлтнүүд гэмт хэрэг үйлдчихээд, хариуцлагаа хүлээхгүй, албан тушаалаасаа огцроод л өнгөрсөнд бухимдаж байгаагаа илэрхийлсээр байсан.
“Томчуудыг яллагдагчаар татлаа” гэх мэдээллийн дагуу бид АТГ-ын Хэвлэл мэдээлэл, олон нийттэй харилцах ажилтан Н.Тэмүүлэнгээс тодруулахад, “Дээрх нэр бүхий гурван хүн яллагдагчаар татагдаагүй” гэсэн тайлбар өглөө.
Ийнхүү худал мэдээлэл түгээж буйн гороор МАН ард түмнийг хуурч, залилсан, татвар төлөгчдийн мөнгөнөөс завшсан этгээдүүдэд хариуцлага тооцож буй мэтээр жүжиглэж, олон нийтийг дахин хуурч байна.
Ташрамд дурдахад, Өрөг.мн сайт өнгөрсөн сард гаргасан Улс төрийн задлан нэвтрүүлгийн ээлжит дугаараар ногоон автобустай холбоотой хоёр шинэ мэдээлэл танилцуулсан юм. Мөн АТГ-аас "Цавчаа ногооны" хэргээр нэмж дөрвөн хүнийг хэрэгт татахаар прокурорт санал хүргүүлсэн талаар бэлтгэн хүргэсэн. Нэвтрүүлгийг бүрэн эхээр энд дарж үзнэ үү!
0
0
0
0
0
0
0
0
