Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
“New Opera Dimensions” соёлын нийгэмлэгээс зохион байгуулж буй “Opera gala international” тоглолтод дуурийн дуучин Д.Эрдэнэ-Очир, Б.Жавхлантөгс, С.Бат-Эрдэнэ, Д.Дагвадорж, С.Аяна нар оролцож байна. Уг тоглолтод Итали, ОХУ, БНСУ, Монгол гэсэн дөрвөн орны 12 уран бүтээлч оролцож байгаа. Эдгээр дуучид нь “Vincero” олон улсын А зэрэглэлийн уралдааны финалын шатанд амжилттай оролцсон дуучид юм. Тоглолт Ром хотын төвд байрладаг 2000 жилийн өмнө баригдсан Марцелло театрын дотор талд байрлах “Sala Baldini” концертын танхимд өнөөдөр болно.
Дуурийн дуучин С.Аяна нь “New Opera Dimensions” соёлын нийгэмлэгийн ерөнхийлөгч. Түүний удирддаг тус нийгэмлэг нь Италийн нийслэл Ром хотод гадны дуучдад зориулсан дуурийн дууны техник арга зүй, дуучдад зориулсан итали хэл, дуурийн дууны мэргэжил дээшлүүлэх сургалт, мастер класс, дуулаачдын мэргэжлээр суралцахаар зорьж байгаа хөгжмийн консерваториудын элсэгчдэд зориулсан бэлтгэл курс, дамжаа хичээллүүлдэг юм.
0
0
0
0
0
0
0
0
