МИАТ ТӨХК-aас шинэхэн Хөдөлмөрийн баатар, Гавьяат цолтнууд төрөн гарлаа

Монгол Улсад нисэх хүчин үүсгэн байгуулагдсаны 100 жилийн ой, МИАТ ТӨХК-ийн 69 жилийн ойн босгон дээр Монгол Улсын Ерөнхийлөгчийн зарлигаар МИАТ ТӨХК-ийн В787-9 агаарын хөлгийн багш-нисгэгч Гавьяат нисгэгч Рословын Бат-Эрдэнийг Хөдөлмөрийн баатар цол тэмдгээр шагналаа.

Мөн МИАТ ТӨХК-ийн ахмад ажилтан, багш-нисгэгч Р.Доржготовт Монгол Улсын Гавьяат нисгэгч, Техникийн газрын дарга асан Ё.Энхтөрд Гавьяат техникч цол тэмдэг олгож, Б737NG/MAX агаарын хөлгийн дарга, багш-нисгэгч Ч.Хуяг, ахмад ажилтан Р.Отгонжаргал, Бүхээгийн шалгагч багш С.Оюун нарт Хөдөлмөрийн гавьяаны улаан тугийн одон, Аюулгүй ажиллагааны байцаагч Мөнхбаярын Мөнхцэцэг, хяналтын деспитчер Гэлэгжамцын Энх-Амгалан нарыг “Алтан гадас” одонгоор, Бүхээгийн сургагч шалгагч, багш И.Түвшинбилэг, Агаарын хөлгийн засвар үйлчилгээний газрын инженерингийн хэлтсийн Ахлах инженер Б.Гантөмөр нарыг Хөдөлмөрийн хүндэт медалиар тус тус шагнан урамшууллаа.