Бизнес эрхлэгчдийг айдсаар “хооллохоо” боль!
Өрөг.мн сайт Монгол Улсын Ерөнхий сайд Л.Оюун-Эрдэнийн хүү О.Тэмүүлэн болон түүний найз бүсгүй Ө.Өгөөмөр нарыг орлогоо нотлохыг шаардаж эхэлсэн. Асуудалтай холбоотой өчигдөр Ө.Өгөөмөрийн аав Ч.Өгөөдэйбаатар хэвлэлд ам нээлээ.
Ингэхдээ, “Олон нийтийн сүлжээгээр яригдаж байгаа асуудлыг би гурав хоногийн өмнөөс мэдсэн. Энэ мэдээллээс үүдэлтэй манай гэр бүл болон охины маань сэтгэл санаа маш хүнд байна. Би механикч, зохион бүтээгч мэргэжилтэй. Төгссөнөөсөө хойш хувиараа бизнес эрхлээд өнөөдрийг хүртэл амьдарч байна. Ай эс өү өү ХХК-ийг удирддаг. 27 жил бизнес хийж байгаа. Би өнөөдөр 54 настай. Бусад аавуудын л адил охиноо эрхлүүлж, хүссэнийг нь авч өгнө. Миний охин төрсөн өдрөөрөө хоёр төрлийн цүнх авъя аа гэсэн. Би арван сая төгрөг шилжүүлсэн. Энэ мөнгө нь хүрэхгүй байна гэдэг асуудал ярьсан. Дахиад арван сая төгрөг шилжүүлсэн. Машиныг бол өнгөрсөн жил авч өгсөн. Манай охин О.Тэмүүлэн гэж хүүтэй үерхэж байгаа гэдгийг би нэг сарын өмнө л мэдсэн” гэв.
Охин нь гадаадаар аялж, амралтын газруудад амарч, сүйн бэлгээ гардаж байхад, Ерөнхий сайдын хүү О.Тэмүүлэнтэй үерхэж байгааг нь мэдээгүй гэх. Үүгээр зогсохгүй, цахим хаягаараа шон, фасад, хуучин угаалгын машин тэргүүтэй бараа зардаг Ө.Өгөөгөмөрийн аав Ч.Өгөөдэйбаатар охиноо ингэж эрхлүүлж чадах уу гэх эргэлзээ олны дунд төрөөд байна.
Танилц: Ерөнхий сайдын худын эрхэлдэг бизнес
Ч.Өгөөдэйбаатарын худлаа ярьж буйг харуулах бас нэг баримт нь түүний охины инстаграм стори. Өгөөдэй охиныхоо төрсөн өдрөөр хоёр цүнх авах мөнгийг өөрөө өгсөн талаар хэлсэн бол, охин Өгөөмөр нь дараах сториг оруулж, нөхрөөрөө цүнх авхуулсан гэдгээ батлав. Тодруулбал, асуудал олны анхааралд орсны дараагаар О.Тэмүүлэнгийн найз бүсгүй Ө.Өгөөмөр цахим хуудаснаа байр сууриа илэрхийлсэн.
Ингэхдээ, “Юу юугүй сэвэх юм аа. Бүгд л найз залуу нөхрөөсөө цүнх авдаг. Ерөнхий сайдын бэр гэхээрээ улсын мөнгөөр жаргадаг гэсэн ядмаг бодлоосоо салцгаа” гэсэн юм.
Ч.Өгөөдэйбаатарын үүсгэн байгуулсан Ай эс өү өү ХХК нь 2007 оноос үйл ажиллагаагаа явуулж байна.
Тэгвэл О.Тэмүүлэнгийн найз бүсгүй Ө.Өгөөмөрийн ээж Чингэлтэй дүүргийн Нийгмийн даатгалын хэлтсийн даргаар ажилладаг. Н.Ариунаа нь 2019 онд Чингэлтэй дүүргийн Нийгмийн даатгалын хэлтсийн даргаар томилогдож байсан. Түүний 2023 оны хөрөнгө орлогын мэдүүлгийг танилцуулъя.
Opendata-д буй Н.Ариунаагийн ХОМ-үүлгийг харьцуулсан 2023 оны мэдээлэлд харагдаж байгаагаар,
- нийт орлого 227.822.000 төгрөг бол,
- гэр бүлийн орлого нь 85.280.000 байна.
Хоёрхон жилийн өмнө 85 сая төгрөгийн орлоготой байсан гэр бүл хэрхэн охиноо дэлхийн тансаг брэндээр гангалж, бэнз, RX унуулж, халуун орноор аялуулж, таксины 5000 төгрөг шилжүүлж буй аятай 20 сая төгрөгийг шилжүүлэх хэмжээнд хүрэв. Эсхүл Н.Ариунаа ХОМ-ээ худал мэдүүлэв үү.
Авлигын эсрэг хуулийн гуравдугаар бүлэгт зааснаар, мэдүүлэг гаргагч хөрөнгө, орлогын эх үүсвэрээ бодитой, үнэн зөв мэдээлэх, тайлбарлах үүрэгтэй. Үүнийг зөрчвөл хуулийн дагуу хариуцлага хүлээх учиртай юм.
Монгол Улсын Ерөнхий сайд Л.Оюун-Эрдэнэ их сургуульд сураагүй, эрхэлсэн ажилгүй том хүүгийнхээ тансаглалд одоог хүртэл тайлбар өгөөгүй байна. Татвар төлөгчдийн мөнгөөр жаргал эдлээгүй бол орлогоо нотлохыг дахин сануулъя!
О.Тэмүүлэн их, дээд сургуульд сураагүй, тодорхой ажил эрхэлдэггүй
О.Тэмүүлэн нь Ерөнхий сайд Л.Оюун-Эрдэнийн гурван хүүгийн хамгийн том нь. Тэрээр 2003 оны хоёрдугаар сарын 22-ны өдөр Хэнтий аймагт төрсөн. 22 настай. 2021 онд Шинэ эрин олон улсын сургуулийг дүүргэжээ. Энэ үедээ Монголын скаутын холбооны Мазаалай бүлгийн даргаар ажиллаж байжээ. Их, дээд сургуульд сураагүй, тодорхой ажил эрхэлдэггүй. Америкийн нэгдсэн улсад Харвардын их сургуулийн хэлний бэлтгэлд хамрагдаж эхэлсэн байна. Эх сурвалж /Graph.mn/
0
1
0
0
1
0
0
1
