А.Ариунзаяа: Нэр бүхий таван хүнийг өөрсдийнх нь хүсэлтээр чөлөөлсөн

УИХ-ын гишүүн асан Б.Саранчимэг, Б.Баярсайхан, Д.Сарангэрэл, Ц.Мөнхцэцэг нарын таван хүнийг МАН-ын Удирдах зөвлөлийн гишүүнээс чөлөөлсөн талаар бид мэдээлсэн. МАН-ын Удирдах зөвлөл хуралдсан асуудлаар УИХ-ын гишүүн А.Ариунзаяа мэдээллээ.

Тэрээр, “МАН-ын Удирдах зөвлөл өнөөдөр хуралдлаа. Дөрвөн асуудал хэлэлцсэн. Эдгээр асуудлыг хууль тогтоомжийн хүрээнд шийдвэрлэсэн. Манай удирдах зөвлөлийн гишүүдээс төрийн албанд шилжих, намаасаа түдгэлзэх албан тушаалд шилжиж байгаа таван хүний асуудлыг өөрсдийнх нь хүсэлтээр намын удирдах зөвлөлөөс чөлөөлсөн. Нөхөж орж ирэх хүмүүсийн тухай яригдаагүй.

Бусад шийдвэр нь юу гэхээр улс төрийн намын тухай хууль хэрэгжиж байгаа. энэ ондоо улс төрийн намууд их хурлаа хийгээд, бүтэц зохион байгуулалт, дүрмээ зохион байгуулах ёстой. Эдгээр бэлтгэл ажлуудыг хангах ажлын хэсэг байгуулах талаар хэлэлцсэн” гэв.