Сэлэнгэ Бодонс хагас бөмбөгийн зөрүүтэй хожил авав
АНУ-ын Ерөнхийлөгч Доналд Трамп Цагаан ордонд хийсэн мэдэгдэлдээ АНУ-тай худалдаа хийдэг улс орнуудын импортын бараа бүтээгдэхүүний татварыг нэмэгдүүлж байгаагаа онцолжээ.
Ингэхдээ тэрбээр бусад улс орнууд АНУ-ын импортын бараанд асар өндөр татвар ноогдуулсаар ирсэнийг үл харгалзан Вашингтон хэдэн арван жилийн турш тэдгээр улс орнуудад буулт хийсээр ирсэн гэдгийг онцолжээ. Ерөнхийлөгч Д. Трамп импортын татвараас олсон мөнгөөрөө ард иргэдийнхээ төлдөг татварыг бууруулж, улсынхаа өр зээлийг төлөхөөр төлөвлөж байгаа ба “Бусад улс орнууд бидний мөнгөөр хөгжин цэцэглэж, хүчирхэг болж байгааг америкчууд бид олон жилийн турш харж суулаа. Одоо тэгвэл бидний хөгжиж цэцэглэх ээлж ирлээ” хэмээн мэдэгджээ.
Түүний хэлсэнээр импортын татварыг нэмэх нь АНУ-ын дотоодын үйлдвэрлэлийг нэмэгдүүлж, дагаад зах зээлийн өрсөлдөөн нэмэгдэж, юмны үнэ буурах аж.
Ерөнхийлөгч Д. Трамп импортын татварыг нэмэгдүүлэх тогтоолд гарын үсгээ зурахаас гадна АНУ-тай худалдаа хийдэг улс орнуудын татвар хэрхэн нэмэгдэж буйг харуулсан хүснэгтийг танилцуулсан байна.
Жишээ нь, Вашингтон Европын холбооны импортын барааны татварыг 20 хувь, Хятадын бараа бүтээгдэхүүний татварыг 34 хувь, Их Британийн импортын татварыг 10 хувиар тус бүр нэмэгдүүлсэн байна. АНУ-ын зүгээс Камбожийн импортын бараа бүтээгдэхүүний татварыг 49 хувь, Вьетнам улсынхыг 46 хувь, Шри Ланкийнхийг 44 хувиар нэмэгдүүлсэн нь Вашингтоны тогтоосон хамгийн өндөр татвар болоод байна. Монгол Улсын импортын бараа бүтээгдэхүүний татварыг Вашингтон 10 хувиар нэмэгдүүлсэн байна.
Ерөнхийлөгч Д. Трамп мөн энэ сарын 3-наас автомашины импортын татвар 25 хувиар нэмэгдэж байгааг онцолжээ.
0
0
0
0
0
0
0
0
