С.Батдөл өнгөрсөн оны 9 сараас хойш амралтын газар галчаар ажиллажээ
УИХ-ын гишүүн Х.Баттулга 1.3 сая ам.доллароор худалдан авсан гурван тэрбум тонн хүрэн нүүрсний нөөцтэй орд газрыг Хонконгийн хөрөнгийн биржээр дамжуулан зарсан гэх асуудал олны анхааралд байна. Улсын төсвийн хөрөнгө оруулалтаар нөөцийг нь тогтоосон, Стратегийн ач холбогдол бүхий орд газрыг олон улсын хөрөнгийн биржээр дамжуулан худалдаалсантай холбогдуулан Засгийн газраас Х.Баттулгад “Төгрөг нуурын орд”-той холбоотой асуудлаа цэгцлэх долоо хоногийн хугацаа өглөө. Шийдэж чадахгүй бол хуулийн хүрээнд арга хэмжээ авах талаар мэдээлсэн юм.
Төгрөг нуурын хүрэн нүүрсний ордны талаар…
- Тус орд нь Төв аймгийн Баян сумын нутагт оршдог бөгөөд Улаанбаатар хотоос 130 км зайтай. Төгрөг нуурын нүүрсний бүлэг орд нь Чойр-Нялгын сав газарт хамаардаг. Энэхүү сав газар нь доод цэрдийн настай хүрэн нүүрс бүхий давхарга эзэлдэг.
- Ордын талбай хэмжээ 20-30 км гэсэн тооцоолол бий. Төгрөг нуурын хүрэн нүүрсний нөөц нь урьдчилсан таамгаар 3 тэрбум тонн. Эрчим хүчний нүүрсний нөөцийг илүү нарийвчлан тогтоох шаардлагатай гэж үздэг.
- Төгрөгийн нуурын бүлэг ордыг 10 гаруй компани лиценз эзэмшдэг бөгөөд эдгээрийн нөөц болон үйл ажиллагаа харилцан адилгүй. Үүнээс “Төгрөг нуур энержи” ХХК өөрийн хөрөнгөөр эзэмшил бүхий лицензийн талбайдаа /Тахилт/ хайгуул хийж, 68 сая тонн нүүрсний нөөц тогтоосон. Тус компани нь Төгрөгийн нуурын ордод хэд хэдэн лиценз эзэмшдэг гэж бүртгэгдсэн байна.
- Төгрөг нуурын бүлэг ордод 1983 онд улсаас урьдчилсан хайгуул хийсэн.
- Төгрөг нуур 1 талбайд “Төгрөг нуур девелопмент” ХХК, Төгрөг, Төгрөг нуур талбайд “Төгрөг тал” ХХК, Тахилт-1 болон Тахилтын нүүрсний орд, Тахилт-2 талбайд “Төгрөг нуур энержи” ХХК, Цэцэнс холдинг болон Коммонмакс, Монроспром уголь зэрэг компани бусад талбайд нүүрсний ашиглалтын тусгай зөвшөөрөл тус тус эзэмшиж байна.
Эх сурвалж: Mining.mn
Үндсэн хуулийн 6.2-т “Монгол Улсын иргэдэд өмчлүүлснээс бусад газар, түүнчлэн газрын хэвлий, түүний баялаг, ой, усны нөөц, ан амьтан төрийн нийтийн өмч мөн” гэж заасан нь бий. Үндэсний баялгийн сангийн тухай хуулиар Стратегийн ордуудын хайгуулыг төрийн хөрөнгөөр хайгуул хийсэн бол 50%, хувийн ААН өөрийн хөрөнгөөр хайгуул хийж, нөөцийг тогтоосон бол 34%-ийг эзэмших учиртай. Үүний цаана Монголын ард түмний Үндэсний баялгийн сан дахь буюу Хуримтлалын сангийн одоо байгаа 495 тэрбум төгрөгийг нэмэгдүүлэх, санг хөрөнгөжүүлэх зорилготой юм. Энэ дагуу Л.Оюун-Эрдэнийн Засгийн газар стратегийн 39 ордуудтай холбоотой шийдвэрүүдээ Төгрөг нуурын ордоос эхлэн ээлж дараатайгаар гаргаж эхэллээ.
Х.БАТТУЛГА ГУАЙД ХАНДАЖ ХЭЛЬЕ…
Монгол Улсын хөгжлийн 2024 оны төлөвлөгөөний гүйцэтгэлийн тайланг хэлэлцүүлэх үеэр ЗГХЭГ-ын дарга Н.Учрал, УИХ-ын гишүүн Х.Баттулга “Төгрөг нуур” ордоо төрд өгөхөөс Баялгийн сангийн хэлэлцээр эхэлнэ гэж хэлсэн. Тэрээр лхагва гаргийн Засгийн шийдвэрийг танилцуулахдаа,
“УИХ-ын гишүүн, төрийн тэргүүнээр ажиллаж байсан Х.Баттулга гуайд хандаж хэлье. Та стратегийн 39 ордод хамаардаг Төгрөг нуурын орд”-ыг зарсан чинь үнэн. Зарах зарахдаа Вержиниа арал, Сингапур, Хонг Конгт бүртгэлтэй компаниар дамжуулж, үндэстэн дамнасан санхүүгийн схем хийж, 250 сая доллараар зарсан байна. Мөн баялгийг иргэддээ өгье, байгалийн баялагтаа эзэн больё гэж ярьж яваа чинь ч үнэн. Иймд баялгийн сангийн ажлын хэсгийн ахлагчийн хувиар та өөрийн хутгасан асуудлаа нэг талд гаргаж, энэ олон компаниудтайгаа өөрөө учир холбогдлоо олж асуудлыг шийдэх долоо хоногийн хугацаа өгч байна. Энэ хугацаанд шийдэж чадахгүй бол Засгийн газар хуулийн хүрээнд дараагийн арга хэмжээг авна” гэлээ.
“Төгрөг нуур”-ын орд УИХ-ын гишүүн Халтмаагийн Баттулгын гараар дамжин хэрхэн хятадын өмч болов
- УИХ-ын гишүүн Халтмаагийн Баттулга “САМЕХ” компанийг 2006 оны наймдугаар сарын 17-ны өдөр Монгол Улсад шинээр үүсгэн байгуулав.
- Тус компаниараа дамжуулан “Төгрөг нуур”-ын ордыг эзэмшигч “Төгрөг нуур энержи” компанийг 1,300,000 ам.доллараар 2007 онд худалдан авав.
- Үүнийхээ дараа “САМЕХ” компанийнхаа 54.5 хувийг Сингапурын болон Хятадын түншүүддээ 2007.6.26-нд шилжүүлэв.
- Үүнээс ердөө сар хагасын дараа тус компаниа “Төгрөг нуур”-ын ордынх нь хамтаар Сингапурт бүртгэлтэй “САМЕХ PTE” компанидаа шилжүүлэн өгөв.
- Үүний дараа Сингапур дахь “САМЕХ PTE” компаниа “Велл делайт холдинг лимитед” гэх Британийн виржинийн арлуудад бүртгэлтэй оффшор компанид бүхлээр нь шилжүүлэн өгөв.
- Энэ бүхний эцэст жинхэнэ наймаа болсон бөгөөд Кайманы арлуудад бүртгэлтэй “Минг Хинг Уотерворкс Холдингс лимитед” компанид Хонконгийн хөрөнгийн биржээр дамжуулан 250 сая ам.доллараар “Төгрөг нуур”-ын ордыг худалдаалдсан байна.
/Монголын ард түмний хөрөнгөөр өөрөөр хэлбэл төсвийн хөрөнгөөр хайгуул хийгдсэн 3.1 тэрбум тонн хүрэн нүүрсний нөөц бүхий “Төгрөг нуур”-ын орд газар бүхэлдээ Хятадуудын мэдэлд шилжиж, Монгол Улсын бизнесмен бөгөөд УИХ-ын гишүүн Халтмаагийн Баттулга 1.3 сая ам.доллараар авсан орд газраа 192.3 дахин нугалсан үнээр худалдан борлуулжээ.
Эх сурвалж: /Livetv.mn/
0
0
0
1
0
0
0
0
Uchral ats urantai holbogdood irenguut JENKO JENKO gej shaagaad.
barimtaa gargaad ireech tgd hudlaa gvtgeed aashaad bhin MCSiin tejeewer glgnvvd eznee hamgaalj hutsajiin gj haragdjiishd tanai site ch gsn